Мінабароны Арменіі паведаміла, што з 11 да 20 верасня ў краіне пройдуць армяна-амерыканскія вайсковыя вучэнні.
Манеўры правядуць у рамках падрыхтоўкі да ўдзелу ў міжнародных міратворчых місіях на базе навучальнага цэнтра «Зар» міратворчай брыгады Мінабароны Арменіі. У паведамленні гаворыцца, што вучэнні прадугледжваюць «аперацыі па стабілізацыі» пры выкананні міратворчых задач, піша «Медуза» са спасылкаю на Мінабароны Арменіі.
У Мінабароны назвалі мэтай вучэнняў «павышэнне ўзроўню ўзаемадзеяння падраздзялення, якое ўдзельнічае ў міжнародных міратворчых місіях у рамках міратворчых аперацый», а таксама «абмен перадавым вопытам у кіроўнай і тактычнай камунікацыі».
У студзені 2023 года прэмʼер-міністр краіны Нікол Пашынян заявіў, што Арменія лічыць немэтазгодным правядзенне вучэнняў Арганізацыі Дамовы калектыўнай бяспекі на тэрыторыі краіны сёлета. Пазней ён таксама казаў, што ў Ерэвана склалася ўражанне, што гэтая арганізацыя «сыходзіць з Арменіі». Ён дапусціў, што Арменія можа прыняць рашэнне аб спыненні або замарожванні сяброўства ў АДКБ.
У інтэрвʼю італьянскай газеце La Repubblica Пашынян заявіў, што, на ягоную думку, залежнасць Арменіі ў сферы бяспекі ад Расіі была стратэгічнай памылкай.
Таксама армянскі прэм'ер-міністр заяўляў, што Арменія не саюзнік Расіі ў яе вайне супраць Украіны.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары