«З майго боку — гарантыя таго, што гэтыя грошы раскрадзеныя не будуць», — запэўнівае ён.
Аляксандр Лукашэнка, адказваючы на пытанні журналістаў падчас рабочай паездкі ў Брэсцкую вобласць, распавёў падрабязнасці пра створаны «Фонд першага», піша БелТА.
Ён звярнуў увагу, што ідэя стварыць у краіне адзіны фонд пад яго патранатам была выказана ім даўно, а рэалізавана — адносна нядаўна (пра будучы фонд, якім хоча замяніць ім жа закрытыя, Лукашэнка гаварыў у жніўні 2022 года). Найперш, па яго словах, фонд створаны для мэтаў дабрачыннасці — каб сабраць сродкі ў адным месцы і дапамагчы тым, хто ў гэтым сапраўды мае патрэбу.
«Галоўнае, што мы зможам акумуляваць грошы тых, хто неабыякавы. З майго боку — гарантыя таго, што гэтыя грошы раскрадзеныя не будуць», — растлумачыў Аляксандр Лукашэнка.
Пакуль «Фонд першага» не пачаў актыўную дзейнасць: на яго рахунку пакуль адсутнічаюць паступленні, таксама яшчэ няма кіраўніка.
«Я, можна сказаць, сваё імя туды аддаў — «Фонд першага», каб мы маглі сабраць нейкія грошы і дапамагчы тым, хто мае патрэбу. Гэта галоўная яго задача», — дадаў Лукашэнка.
Ён адзначыў, што пасля закрыцця шэрагу фондаў і арганізацый, якія «пад выглядам дабрачыннасці і іншай грамадскай дзейнасці спрабавалі ў 2020 годзе разгайдаць абстаноўку ў краіне», аказалася цяжкім знайсці спосаб, каб паўдзельнічаць у дабрачыннасці.
«Мы прыкрылі тут. І тыя, хто нам дапамагаў і хочуць дапамагчы, — юрыдычна не могуць. Тады я кажу: давайце пад эгідай прэзідэнта створым гэты фонд, адкрыты абсалютна, каб людзі, якія ў гэты фонд уносяць сродкі, разумелі, куды ідуць гэтыя грошы», — сказаў Лукашэнка.
Цяпер чытаюць
Сваякі каскадзёра, які ледзь не загінуў на аўташоу ў Лідзе, расказалі, што з ім цяпер1
Каментары