У сувязі з распараджэннямі Міністэрства транспарту і кіравання тылам Ізраіля ў ваенны перыяд кампанія «Ракевет Ісраэль» зробіць шчыльнейшым графік руху цягнікоў у канцы тыдня (ад сёння да наступлення шабата), акрамя таго цягнікі будуць хадзіць у пятніцу ўвечары і ў суботу.
Ізраільскі цягнік. Фота: Wikimedia Commons
Шабат — святы дзень для іўдзеяў, галоўнае яго правіла — чалавек не павінен працаваць, адпаведна, не працуюць розныя ўстановы.
Увечары ў пятніцу, 13 кастрычніка, пачынаючы з 18:00 цягнікі будуць хадзіць па меры запаўнення пасажырамі паміж аэрапортам «Бэн-Гурыён» і Тэль-Авіў-Савідар, а таксама паміж аэрапортам «Бэн-Гурыён» і цэнтральнай станцыяй у Беэр-Шэве, піша news.co.il.
Каментары