«Байсол» выплаціў палову сродкаў, атрыманых ад марафону салідарнасці з палітвязнямі
Фондам салідарнасці «Байсол» зацверджана 99 заявак і выплачана 49 500 еўра са 100 тысяч, атрыманых па выніках марафону салідарнасці з палітвязнямі, які прайшоў 29—30 ліпеня.
«Мы працягваем выплачваць суму, якую атрымалі ў межах марафону салідарнасці «Нам не ўсё адно». 99 заявак на суму 49 500 еўра ўжо выплачана, і мы збіраем новую групу выплат. З першага траншу ад марафону ў памеры 100 000 еўра мы зможам аплаціць яшчэ 100 заявак», — напісаў у фэйсбуку Андрэй Стрыжак.
Ён заклікае падаваць заяўкі для атрымання дапамогі на 500 еўра.
Хто можа разлічваць на дапамогу:
— заяўнікі, якія не атрымлівалі дапамогі ад «Байсола» ў выглядзе разавай выплаты / персанальнага збору цягам 2022—2023 гадоў;
— заяўнікі, якія атрымлівалі раней дапамогу ад «Байсола» ў рамках кампаній дапамогі дзецям (збор на летні адпачынак / збор да школы / калядны збор).
Марафон салідарнасці «Нам не ўсё адно» прайшоў 29—30 ліпеня і сабраў 574 356 еўра.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро13
Каментары