Суддзі з Беларусі будуць працаваць на матчах футбольнай расійскай прэм'ер-лігі
«З беларусамі мы падпішам пагадненне на гэтым тыдні», — сказаў старшыня судзейскага камітэта Расійскага футбольнага саюза Павел Каманцаў.
Старшыня судзейскага камітэта Расійскага футбольнага саюза Павел Каманцаў заявіў, што найбліжэйшым часам арбітры з Беларусі будуць працаваць на матчах Расійскай прэм'ер-лігі, паведамляе Прессбол.
«На ўзроўні РПЛ варта чакаць арбітраў з Саудаўскай Аравіі. Таксама — Катара і Беларусі. Як хутка? З Саудаўскай Аравіяй мы зафіксавалі ўсе юрыдычныя моманты, цяпер мы будзем уносіць змены ў рэгламент Расійскай футбольнай прэм'ер-лігі.
З беларусамі мы падпішам пагадненне на гэтым тыдні, тэхнічныя пытанні мы ўсе абмеркавалі, яно будзе некалькі больш шырокім, будзе мець на ўвазе навучанне суддзяў у Расіі на базе нашага VAR‑цэнтра», — сказаў Каманцаў.
Каментары