На Берасцейшчыне 15-гадовы п'яны падлетак забіў бацьку, а сябры знялі гэта на відэа
Забойства адбылося 22 кастрычніка. У тую ноч маладыя людзі з дзяўчынай прыйшлі дадому да 15-гадовага навучэнца каледжа пасля дыскатэкі.
Яны былі п'яныя і працягнулі піць у кватэры, расказаў на «Радыё-Мінск» прадстаўнік СК Аляксандр Сухадольскі.
У разгар вечарынкі прачнуўся бацька хлопца і захацеў далучыцца да моладзі, але хлопцы былі супраць. Узнік канфлікт. Сын паваліў бацьку на ложак і пачаў збіваць. Супакоіўшыся, хлопец адпусціў бацьку, але пасля размовы з сябрам збіццё працягнулі ўжо ўдваіх.
Юнакі ўвайшлі ў пакой да мужчыны, і 15-гадовы сын зноў пусціў у ход кулакі. Прычым усё гэта падлеткі здымалі на камеру. Бацька быў моцна п'яны і не мог абараняцца. Ад збіцця ён памёр.
Маці ў пакой не пускалі, і яна звярнулася ў міліцыю толькі раніцай.
Падлеткі затрыманыя, распачата крымінальная справа за групавое забойства.
Каментары
дозувыпивку деньги у спившегося народа всегда найдутся. И спиваются не только покупатели, но и сами работники магазинов. Увидеть молодую продавщицу (до пятидесяти лет) с интеллигентным лицом трудно, поголовно сидят на пиве и более крепком алкоголе.