«Свабодную і дэмакратычную Беларусь будуць вітаць у сямʼі еўрапейскіх дзяржаў». Нямецкі Бундэстаг прыняў рэзалюцыю па Беларусі
У нямецкім Бундэстагу адбыліся дэбаты, падчас якіх была прынята рэзалюцыя «За дэмакратычную Беларусь у еўрапейскай сям’і». Перад тым перад Камітэтам па міжнародных справах выступіла Святлана Ціханоўская.
У тэксце рэзалюцыі адзначаецца:
«Нямецкі Бундэстаг цвёрда стаіць на баку ўсяго беларускага дэмакратычнага руху, Святланы Ціханоўскай і ўзначаленага ёй Абʼяднанага Пераходнага Кабінета. Беларусы павінны ведаць, што свабодную і дэмакратычную Беларусь будуць вітаць у сямʼі еўрапейскіх дзяржаў».
Парламент Германіі прывітаў абмежавальныя меры, што ўжо ўведзены супраць лукашэнкаўскага рэжыму, і заклікаў федэральны ўрад працягваць ціск.
У той жа час у рэзалюцыі сказана, што Германія паспрыяе развіццю беларускай незалежнай прэсы, дэмакратычных інстытутаў і грамадзянскіх ініцыятываў. Акрамя таго, ухваляецца дапамога і рэабілітацыя палітвязняў ды асобаў, пацярпелых ад рэпрэсій.
Асобная ўвага ў рэзалюцыі прысвечаная юрыдычным пытанням, з якімі зараз сутыкаюцца беларусы ў выгнанні. Сцвярджаецца, што Бундэстаг будзе спрыяць вырашэнню праблемаў беларусаў з дакументамі.
Чытайце таксама:
Бундэстаг Германіі абмяркуе еўрапейскія перспектывы для Беларусі
Герой Беларусі Марына Васілеўская нарадзіла дачку ад касманаўта Алега Навіцкага16
Каментары