Чарговае судовае слуханне па справе экіпажа затрыманага ў Бангкоку самалёта Іл‑76 з нелегальнай зброяй з Паўночнай Карэі, пройдзе 26 снежня 2009 года.
Пра гэта паведамляе інфармагенцтва «Новости‑Казахстан» са спасылкай на МЗС Казахстана.
Допыты затрыманых цяпер не вядуцца. МЗС Казахстана сцвярджае, што лётчыкі — чацвёра казахстанцаў і грамадзянін Беларусі — падтрымліваюць сувязь са сваякамі праз інтэрнэт, «але ў аднабаковым парадку:
атрымліваць ад сваякоў паведамленні яны не могуць, але самі могуць пісаць».
Нагадаем, самалёт са зброяй быў затрыманы 11 снежня спецслужбамі Тайланда. Экіпажу, у тым ліку і 54‑гадоваму беларусу Міхаілу Петухову, прад’явілі абвінавачанні ў незаконным захоўванні выбуховых рэчываў і зброі, а таксама дачы заведама непраўдзівых паказанняў.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі15
Каментары