Аўтамабіль мае элегантны экстэр'ер і магчымасць устаноўкі сэнсарнай тэхналогіі lidar у верхняй частцы ветравога шкла для ўдасканаленага кіравання аўтамабілем.
Кітайскі гігант-вытворца смартфонаў Xiaomi Corp. прэзентаваў свой дэбютны электрамабіль — пяцімесны седан з панарамным шкляным дахам, піша Bloomberg.
У дакуменце, апублікаваным Міністэрствам прамысловасці і інфармацыйных тэхналогій Кітая, сказана, што доўгачаканы электрамабіль будзе называцца Beijing Xiaomi SU7 і вырабляцца дзяржаўнай Beijing Automotive Group Co.
Аўтамабіль мае элегантны экстэр'ер і магчымасць устаноўкі сэнсарнай тэхналогіі, вядомай як lidar, у верхняй частцы ветравога шкла для ўдасканаленага кіравання аўтамабілем.
Ён развівае максімальную хуткасць 265 кіламетраў на гадзіну і важыць 2,66 тоны. Электрамабіль сілкуецца ад акумулятараў сучасных кампаній Amperex Technology Co. Ltd. і BYD Co., у залежнасці ад таго, ці мае ён канфігурацыю з адным ці двума рухавікамі.
Раней Xiaomi заяўляла, што яе электрамабіль будзе афіцыйна запушчаны ў продаж у першай палове наступнага года.
Мяркуецца, што аўтамабіль будзе каштаваць ад 40 тысяч даляраў у эквіваленце.
Электрамабіль пад брэндам Xiaomi з'яўляецца найважнейшым звяном у плане кампаніі па стварэнні «ўсёахопнай экасістэмы» для сваіх кліентаў. Кампанія ўжо абнавіла аперацыйную сістэму для смартфонаў і іншай бытавой тэхнікі, уключыўшы ў яе электрамабілі ў будучыні, каб карыстальнікі маглі кіраваць усімі тыпамі прадуктаў Xiaomi на адзінай платформе.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары