У Маямі адкрыецца выстава беларускіх мастачак, якія ўдзельнічалі ў Burning Man
У галерэі ў Саўт-Пойнце на Маямі-Біч ужо заўтра, 20 снежня, пройдзе адкрыццё выставы Propoethic Dreams. У экспазіцыі прадстаўлены жывапіс і відэапрацы Ганны Сілівончык і скульптурныя кампазіцыі Марыі Тарлецкай.
Наведаць выставу можна ўжо цяпер. Праект стаў вынікам запрашэння беларускіх мастачак на рэзідэнцыю ў Маямі ад THINK+feel Contemporary Art Gallery.
«Шукаючы сюжэты і вырашэнні мастацкіх праблем або даследуючы глыбіні чалавечай псіхалогіі ў сваім творчым працэсе, Ганна звяртаецца да архетыпаў, знойдзеных у казках, міфах і сваёй роднай культуры, захоўваючы сувязі з мастацтвам XX стагоддзя. Яе творчасць прасякнута пазітыўнай энергетыкай — ад яе вее радасцю, любоўю і гармоніяй», — апісвае творчасць Сілівончык THINK+feel Contemporary Art Gallery.
Раней у гэтым годзе Ганна Сілівончык і Марыя Тарлецкая ўзялі ўдзел у фестывалі Burning Man, які праходзіць штогод у пустыні Блэк Рок, штат Невада.
Каментары