«За 20 хвілін прайшоў абедзве мяжы». У тыктоку дзеляцца лайфхакамі, як хутка трапіць у Беларусь на навагоднія святы
Калапс на межах Беларусі прымушае людзей, якія хочуць прыехаць на радзіму да навагодніх святаў, шукаць новыя маршруты. Некаторыя пачалі дзяліцца ў тыктоку сваімі лайфхакамі.
Візажыстка з Мінска падзялілася ўласным досведам, як адносна хутка дабрацца з Варшавы ў беларускую сталіцу:
«Ёсць цудоўная падказка ад мяне, хто збіраецца на Новы год у Беларусь: набываеце квіток на аўтобус «Варшава — Калінінград», а адтуль квіток на цягнік ці самалёт. Усё. Не трэба вам стаяць у чарзе 70-80 гадзін. Я сама так праязджала, у маім выпадку праход польска-расійскай мяжы заняў 2 гадзіны».
Дарэчы, квіткі на цягнік «Мінск — Калінінград» сапраўды ёсць у продажы — на найбліжэйшыя дні вольных месцаў хапае. У дарозе цягнік праводзіць дзесяць-дванаццаць гадзін, самыя танныя квіткі каштуюць каля 125 рублёў.
Самалётам, канешне, атрымаецца, яшчэ хутчэй, але вельмі небюджэтна — напрыклад, квіток на рэйс «Белавія» (працягласць палёту да Мінска — 2 гадзіны 40 хвілін) на 27 снежня каштуе прыкладна 955 рублёў. Ёсць таксама варыянт з перасадкай − у гэтым выпадку пералёт зойме 13 гадзін, але ж і кошт квітка больш прыемны (прыкладна 156 рублёў).
Адзін з каментатараў падзяліўся ўласным лайфхакам, як хутка трапіць у Беларусь з Літвы:
«У разы прасцей прайсці праз мяжу на ровары — вось цудоўная падказка. Ехаў учора праз «Беняконі», за 20 хвілін прайшоў абедзве мяжы».
Раней у СМІ з’яўлялася інфармацыя пра тое, што ў лістападзе на літоўскім баку памежнікі пачалі адпраўляць раварыстаў стаяць у адной чарзе з машынамі.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары