У навагоднюю ноч – мінус 5—11°C, пры праясненнях да мінус 16°C
Прагноз надвор'я ў Беларусі на 1 — 3 студзеня 2010 года.
Прагноз надвор'я ў Беларусі на 1—3 студзеня 2010 года.
Паводле прагнозу Рэспубліканскага гідраметэацэнтра, 1 студзеня ў Беларусі будзе воблачна з праясненнямі, месцамі невялікі снег. Днём па паўднёвым захадзе снег умераны, слабая завіруха. На асобных участках дарог галалёдзіца. Ноччу і раніцай у асобных раёнах туман. Вецер усходні: ноччу слабы, днём 6—11 м/с.
Тэмпература паветра ноччу мінус 5—11°С, пры праясненнях да мінус 13—16°С, днём мінус 2—8°С.
У Мінску 1 студзеня воблачна з праясненнямі. Ноччу без істотных ападкаў, слабы туман, днём невялікі снег. На асобных участках дарог галалёдзіца. Вецер усходні: ноччу слабы, днём 6—11 м/с.
Тэмпература паветра ноччу мінус 8—10°С, днём мінус 5—7°С.
***
У наступныя двое сутак, 2—3 студзеня, па краіне чакаецца воблачна з праясненнямі. 2 студзеня ноччу на большай частцы тэрыторыі, днём месцамі, пераважна па поўдні, кароткачасовы снег. У асобных раёнах завіруха, на дарогах галалёдзіца. Вецер усходні, паўночна-ўсходні 6—11 м/с, ноччу па паўднёвым усходзе парывы да 14 м/с. Тэмпература паветра на працягу сутак мінус 6—13°С, у крайніх паўднёвых раёнах мінус 4—5°С, ноччу па паўночным усходзе пры праясненнях да мінус 16°С.
3 студзеня месцамі кароткачасовы снег, на дарогах галалёдзіца. Вецер паўночны 5—10 м/с. Узмацненне марозу.
Тэмпература паветра на працягу сутак мінус 10—17°С, ноччу пры праясненнях да мінус 20°С.
У Мінску 2 студзеня воблачна з праясненнямі. Ноччу кароткачасовы снег, днём без істотных ападкаў. На асобных участках дарог галалёдзіца. Вецер усходні, паўночна-ўсходні 6—11 м/с, днём парывы да 14 м/с. Тэмпература паветра на працягу сутак мінус 8—10°С.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў34
Каментары