Грамадства44

Сірата, «правільна» гаворыць, адданы Лукашэнку. Чым адметны магілёўскі ідэолаг, які стане самым маладым дэпутатам Палаты прадстаўнікоў

Не выключана, што Уладзіміру Паўлоўскаму зарэзервавалі месца ў лукашэнкавым парламенце праз ягоны год нараджэння. Ён з'явіўся на свет за пяць дзён да перамогі Лукашэнкі на першых прэзідэнцкіх выбарах. 30-годдзю гэтай падзеі прапаганда адназначна прысвеціць багата часу.

Уладзімір Паўлоўскі, прэтэндэнт на месца ў Палаце прадстаўнікоў. Фота: zviazda.by

«Прыхільнікаў Лукашэнкі нашмат больш»

Уладзіміру Паўлоўскаму цяпер 29 гадоў, столькі, колькі Лукашэнка пры ўладзе. Што да ўзросту, то ў Палату прадстаўнікоў траплялі і маладзейшымі.

Напрыклад, Марыі Васілевіч было 22 гады, калі яна «размяняла» карону «Міс Беларусь-2018» на дэпутацкае пасведчанне. Васілевіч запомнілася тым, што ў 2020 годзе наведала шпіталь і выбачылася перад пацярпелымі ад гвалту сілавікоў.

Ад Паўлоўскага такога ўчынку чакаць не выпадае, хіба толькі, калі загадаюць.

Для яго Лукашэнка — «сапраўды нацыянальны лідар», які заступаецца за беларускі народ.

26 жніўня 2020 годзе малады ідэолаг быў на мітынгу ў падтрымку Лукашэнкі. На яго звозілі ўдзельнікаў з усёй краіны, але абяцанай колькасці ў сотні тысяч удзельнікаў сабраць не ўдалося.

«Пакуль Аляксандр Лукашэнка быў заняты справай, прыкладаючы ўсе сілы, каб вырашаць найважнейшыя пытанні, хаця б узяць складаную сітуацыю з каранавіруснай інфекцыяй, іншыя проста посцілі ўсялякія фэйкі ў сацыяльных сетках, фінансавалі мітынгі і плацілі людзям за тое, каб тыя выходзілі на вуліцы», — казаў магілёўскі бэрээсэмавец.

На прапагандысцкіх фота Уладзімір Паўлоўскі нярэдка з'яўляецца з сямʼёй. Паўлоўскі з жонкай і дачкой злева. Фота: mogilev-region.gov.by

Паводле Паўлоўскага, прыхільнікам Лукашэнкі не варта плаціць, каб яны сабраліся і падтрымалі яго. 

У далейшым лукашэнкаўцы абяцалі правесці мегамітынг, але ўсё ж не наважыліся. Лукашэнка казаў пра 300 тысяч удзельнікаў.

У тым жа, 2020-ым, Паўлоўскі заклікаў магілёўцаў выйсці на праўладны мітынг «За бацьку» і за любімую, якую не аддаюць. На яго таксама звозілі ўдзельнікаў усё вобласці. 

Спасылаючыся на Лукашэнку, Паўловіч даводзіў, што супраць Беларусі вядзецца гібрыдная вайна, якую, магчыма, не заўважаюць абывацелі.

«Ад большасці абмежаванняў пацерпіць найперш просты народ», — страшыў ён у 2021 годзе.

«У нас канкурэнцыі і апанентаў, я б сказаў, няма»

Уладзімір Паўлоўскі працуе намеснікам генеральнага дырэктара па ідэалагічнай працы і быту Магілёўскага мясакамбіната, дзе доўгі час выкрывалі карупцыянераў.

Былы функцыянер БРСМ займае гэту пасаду з 2022 года.

У Палаце прадстаўнікоў ён збіраецца засядаць як вылучэнец чатырох раёнаў Магілёўшчыны: Горацкага, Дрыбінскага, Мсціслаўскага і Чавускага.

Паўлоўскі нарадзіўся ў вёсцы Малькі Горацкага раёну. Калі яму было тры гады бацькі трагічна загінулі. Выхоўвала яго сям’я дзядзькі.

Уладзімір Паўлоўскі па пасадзе кіраўніка абласной арганізацыі БРСМ. Фота: mogilev-region.gov.by

У гутарцы з чытачом «Нашай Нівы» Паўлоўскі не прамінуў адзначыць, што Горацкі раён — яго малая радзіма.

Ён настойваў, што мае «немалы жыццёвы шлях» і дастаткова кампетэнцый, каб прадстаўляць інтарэсы землякоў.

Асноўны ж пасыл яго выбарчай праграмы, каб «як мінімум усе людзі выбарчай акругі былі ў роўных умовах».

Паўлоўскі не стаў тлумачыць, што мае на ўвазе.

Паводле яго, дакументы на рэгістрацыю кандыдатам у дэпутаты Палаты прадстаўнікоў ён здаў і цяпер чакае рашэння.

БРСМавец Паўлоўскі не стрымаўся, каб пахваліцца, як выглядае з міліцэйскім пісталетам. Фота: сацыяльныя сеткі

Прадстаўнік маладога пакалення наменклатуры балатуецца ў лукашэнкаўскі парламент як сябра кішэннай Рэспубліканскай партыі працы і справядлівасці.

Яго абранне мусіць засведчыць шматпартыйнасць Палаты прадстаўнікоў.

Спарынг-партнёрам для Паўлоўскага зрабілі дырэктарку бібліятэчнай сеткі Чавускага раёна Алену Максімовіч. Яна вылучэнка партыі «Белая Русь».

Паўлоўскі запэўнівае, што гэтыя дзве партыі не канкуруюць адна з адной.

«У нас канкурэнцыі і апанентаў, я б сказаў, няма. Мы ўсе ў адным ключы працуем», — адзначае ён і раіць паслухаць, што кажа пра партыйнае ўладкаванне ў цяперашняй Беларусі Лукашэнка.

Быў дружыннікам

Сяргей Паўлоўскі прайшоў праверку службай у БРСМ.

Тры гады займаў пасаду першага сакратара абкаму гэтай дзяржаўнай маладзёжнай арганізацыі, якая даўно ў народзе завецца «лукамолам».

Паўлоўскі засядаў у Моладзевым парламенце пры Палаце прадстаўнікоў і старшыняваў у камісіі па пытаннях экалогіі і прыродакарыстання ў Моладзевай палаце парламенцкага схода саюзу Беларусі і Расіі.

Знаёмыя Паўлоўскага кажуць, што ён умее «правільна» гаварыць.

У сваіх выступах не прамінае згадваць «патрыятызм» і «неабходнасць аб’яднацца перад пагрозамі». Іх тлумачэнні найчасцей размытыя.

«Сёння грамадства сутыкаецца з новымі выклікамі і пагрозамі, і вельмі важна выхоўваць любоў да Айчыны і свайго народа, імкненне служыць іх інтарэсам», — даводзіў наменклатурнік два гады таму.

Уладзімір Паўлоўскі хваліцца нагрудным знакам «За адзнаку ў ахове грамадскага правапарадку». Фота: zviazda.by

Паводле адукацыі ідэолаг мясакамбіната — фізік-матэматык. Ён выпускнік факультэта матэматыкі і прыродазнаўства магілёўскага ўніверсітэта імя Куляшова. 

У 2022 годзе БРСМавец хваліўся, што падчас вучобы ў складзе моладзевага атрада «Сокал» дапамагаў міліцыі лавіць злачынцаў» і мае нагрудны знак «За адзнаку ў ахове грамадскага правапарадку». Паводле яго словаў, такая дзейнасць выхоўвае патрыятызм.

Былыя аднакурснікі кажуць, што Паўлоўскі, ходзячы з міліцыяй у рэйды, больш пантаваўся, чым дапамагаў, а ў моладзевым асяроддзі станавіўся аб'ектам для кпінаў. На іх бээрэсэмавец стараўся не зважаць, але не заўжды выходзіла. Тады пагражаў разабрацца.

Лукашэнкавец актыўны ў сацыяльных сетках. Разам з сямейнымі фоткамі выкладае здымкі з прапагандысцкіх мерапрыемстваў.

Не забывае знайсці месца ў альбоме і Лукашэнку.

«Люблю BY, жонку і дачку», — напісана ў яго інстаграме.

Такі Уладзімір Паўлоўскі па-за дзяржаўнай службай. Фота: сацыяльныя сеткі

«Наша Нiва» — бастыён беларушчыны

ПАДТРЫМАЦЬ

Глядзіце таксама:

Васілевіч, Давыдзька, Савіных — хто з дэпутатаў Палаты не ідзе на перавыбары

Каго паставяць спікерам Палаты прадстаўнікоў замест спісанага Андрэйчанкі?

«Лукашэнку люблю ўсім сваім сэрцам». Хто такая Віталіна Петрусевіч, якая стала тварам прапагандысцкіх фільмаў магілёўскага тэлебачання

Самы малады кандыдат у дэпутаты — 23-гадовая дзяўчына ад партыі Гайдукевіча ФОТА

Што абяцаў Лукашэнка 20 гадоў таму

Каментары4

  • |||
    16.01.2024
    Пока я вижу только три варианта: быть, как блогер Филипович; уехать из страны; быть аполитичным, жить для себя.
  • Філіповіч
    16.01.2024
    |||, пажыць для сябе ўжо не ўдасца, так што толькі 2 варыянта
  • фзссн
    16.01.2024
    у яго не было свайго бацьки ( ён жа сирота) вось и прысмактауся да чужога
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Пратасевіч: Вядомы выпадкі, калі зняволеныя адмаўляліся прызнаваць віну і ўсё адно атрымлівалі памілаванне

Пратасевіч: Вядомы выпадкі, калі зняволеныя адмаўляліся прызнаваць віну і ўсё адно атрымлівалі памілаванне

Усе навіны →
Усе навіны

Калі вы ў Літве, то можаце за хвіліну падтрымаць «Нашу Ніву» падаходным падаткам, не патраціўшы сваіх грошай. Вось як11

Ілан Маск абверг інфармацыю, што Украіне пагражае адключэнне Starlink6

У легендарнай воданапорнай вежы ў Мінску хутка адкрыецца кавярня пад назвай «Вежа»7

Памёр Алег Васільчанка3

Новая рэдакцыя пагаднення Украіны з ЗША аб карысных выкапнях можа быць яшчэ кабальнейшай за папярэднюю29

«Калі замест «Чэхія» сказаў «Чэхаславакія»». Найлепшыя твіты тыдня10

У цэнтры Вільні на сцяне будынка ЕГУ зноў з'явіўся правакацыйны надпіс ФОТА17

Звольнілі кіраўніцу РНПЦ «Кардыялогія», якую ў 2020-м прызначылі замест прафесара Мрочака4

Шарэнда-Панасюк: Я разумела, што можа быць сітуацыя, калі нават дзецьмі давядзецца ахвяраваць3

больш чытаных навін
больш лайканых навін

Пратасевіч: Вядомы выпадкі, калі зняволеныя адмаўляліся прызнаваць віну і ўсё адно атрымлівалі памілаванне

Пратасевіч: Вядомы выпадкі, калі зняволеныя адмаўляліся прызнаваць віну і ўсё адно атрымлівалі памілаванне

Галоўнае
Усе навіны →

Заўвага:

 

 

 

 

Закрыць Паведаміць