Свет66

У Арменіі затрымалі ўхіліста ад войска з Беларусі. Яго могуць выслаць на радзіму

У Арменіі пры перасячэнні мяжы з Грузіяй сілавікі затрымалі грамадзяніна Беларусі Яраслава Новікава. Яму пагражае дэпартацыя на радзіму і крымінальную справу за ўхіленне ад службы ў войску. Ён знаходзіцца ў прымежным аддзеле паліцыі, 4 лютага адбудзецца суд. «Вось Так» даведаўся падрабязнасці гэтай гісторыі.

 Участак паліцыі ў горадзе Наембяран. Фота: сацсеткі

Гісторыю затрымання беларуса Яраслава Новікава распавёў актывіст Леанід Сасноўскі ў твітары. Ён паведаміў, што Новікаў да апошняга часу жыў у Грузіі — пры гэтым у роднай Беларусі на яго заведзена крымінальная справа за ўхіленне ад абавязковай вайсковай службы. 

2 лютага Яраслаў павінен быў пераехаць на час у Арменію. Аднак на армянскім баку яго затрымала прыгранічная служба мясцовай паліцыі — высветлілася, што Мінск абʼявіў мужчыну ў міждзяржаўны крымінальны вышук СНД. 

Ананімны прадстаўнік Новікава падзяліўся з «Вось Так», што Яраслаў збіраўся з Грузіі зʼехаць жыць і працаваць у Балгарыю, але не атрымаў у Тбілісі візу. Тады балгарскае прадстаўніцтва параіла маладому чалавеку вярнуцца ў Беларусь і паспрабаваць зноў ужо адтуль. З-за рызык, з якімі мужчына мог сутыкнуцца на радзіме, яму прыйшлося адправіцца ў Арменію, дзе ён планаваў паўторна падацца на візу. 

Актывіст Леанід Сасноўскі дапамог затрыманаму знайсці праваабаронцу ў Арменіі — юрыста Хельсінкскай асацыяцыі ў Арменіі Араіка Папікяна. Новікаву далі магчымасць пабачыцца з юрыстам, а таксама патэлефанаваць сваякам. У размове з «Вось Так» адвакат паведаміў, што ўмовы ўтрымання Яраслава нармальныя, «іх там кормяць», але ён купіў затрыманаму дадаткова ежы. 

У прымежным пункце паліцыі горада Наембяран на беларуса склалі пратакол і змясцілі ў пастарунак, дзе ён знаходзіцца да гэтага часу. Тэлефон у мужчыны забралі. Ананімны прадстаўнік Новікава ў гутарцы з «Вось Так» паведаміў, што тэрмін затрымання быў працягнуты да 72 гадзін з-за «марудлівасці бюракратычнай машыны». 

Беларускі бок адправіў у Арменію заключэнні следчага і пракурора аб узбуджэнні крымінальнай справы на Яраслава, а таксама аб яго вышуку. 

Адвакат Папікян распавёў, што 3 лютага па справе Новікава быў прызначаны пракурор, з якім ён ужо паразмаўляў і патлумачыў: затрыманне па заканадаўстве Арменіі «неправамерна». Таму мужчына павінен быць вызвалены. Аднак пракурор адмовіў беларусу ў дасудовым вызваленні. 

4 лютага ў 12:00 (паводле Ерэвана) адбудзецца суд над затрыманым, які вырашыць — выконваць патрабаванні Мінска па экстрадыцыі ўхіліста на радзіму ці не. Папікян «амаль упэўнены», што запыт будзе адхілены і малады чалавек выйдзе на волю. У паліцыі, сцвярджае юрыст, Новікаву сказалі, што выпусцяць яго пасля суда.

Каментары6

  • Андрусь
    04.02.2024
    Астрожскі, Арменія з прарасійскім кіраўніком Пашынянам і антырасійскім народам сама не ведае, кім яна ёсць. І не толькі адносна беларусаў. Расійскі чыннік моцна ўплывае на палітыку краіны. Калі б не Пашынян, Арменія ўжо б ішла еўрапейскім курсам. А гэты, на ўзор аднаго вусата-сіпатага калегі, спрабуе ўседзець на двух крэслах. 
    • Солтыс
      04.02.2024
      Андрусь, паглядзім.
    • А
      04.02.2024
      Андрусь, нешта на вуліцах Еравана, дзе жыве, як вы напісалі “антырасійскі народ”, не бачна ніводнага сцяга ў падтрымку ЕС, Украіны. Ніводнай налёпкі на аўто, ні графіці… Дзе вы яго сустрэлі?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Усе навіны →
Усе навіны

Беларуска атрымала дазвол на пражыванне ў Польшчы пасля першапачатковай адмовы

8000 еўра Сяргею Ціханоўскаму сабралі за палову дня13

Хлопца з Рагачова прызналі неадэкватным і вызвалілі ад пакарання, але ўсё роўна ўнеслі ў спіс «экстрэмістаў». Як так?1

Кубракоў, вярнуўшыся з селектарнай нарады ў Лукашэнкі, зразу ж склікаў сваю — па той жа схеме17

Жыхары шматпавярховіка ў цэнтры Мінска страцілі сон праз спеў паўлінаў3

У Мінску дэмантавалі памятныя знакі ў гонар міліцыі. Яны не прастаялі і двух гадоў ФОТАФАКТ6

У Еўропе нараджальнасць на гістарычна найніжэйшым узроўні. І нават прасямейная палітыка не дапамагае5

Беларусам з 11-месячным дзіцём не далі паляцець на Кіпр па польскім праязным дакуменце. Дачапіліся да дзіцяці12

На матчы беларускіх футбалістаў у Грузіі заўзятараў прымушалі прыбіраць БЧБ-сцягі3

больш чытаных навін
больш лайканых навін

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Галоўнае
Усе навіны →

Заўвага:

 

 

 

 

Закрыць Паведаміць