Каталіцкая актывістка Аксана Ючкавіч даслала першы ліст з турмы
Першы ліст ад зняволенай каталіцкай актывісткі і журналісткі Аксаны Ючкавіч атрымала яе сяброўка, паведаміла выданне Katolik.life. Аксана перадае прывітанне і дзякуе ўсім, хто выказаў ёй падтрымку, расказвае, як праводзіць час.
Мяркуючы па тоне ліста, Аксана трымаецца ў добрым духу, піша, што мае ўсё неабходнае, чытае Біблію, у яе ёсць магчымасць замовіць у бібліятэцы мастацкую літаратуру.
Пісаць ёй можна на адрас:
Ючкавіч Аксане Станіславаўне
222163, Мінская вобл. г. Жодзіна, вул. Савецкая, 22а
ПУ Турма №8, кам. 216
Аксану Ючкавіч арыштавалі паводле абвінавачвання па крымінальным артыкуле 342 за «ўдзел у дзеяннях, якія груба парушаюць грамадскі парадак» у 2020 годзе.
Ючкавіч паходзіць з Параф'янава Докшыцкага раёна. Яна жыла актыўным царкоўным жыццём — у кафедральным саборы Мінска спявала ў хоры «Глорыя», была звенавой у арганізацыі каталіцкіх скаўтаў, навучаючы падлеткаў паважліва ставіцца да навакольнага свету, вучыла семінарыстаў міждыяцэзіяльнай семінарыі.
Працавала Аксана і ў каталіцкай журналістыцы — спачатку ў выдавецтве «Pro Christo», потым на афіцыйным агульнанацыянальным каталіцкім партале catholic.by.
Шмат сваіх сіл і энергіі верніца аддавала дапамогі іншым людзям, тым, хто меў патрэбу ў дапамозе. Працавала ў Хрысціянскім сацыяльным цэнтры Дабрачыннай місіі добрага самараніна ў Мінску.
Цяпер чытаюць
«Фанаты стаялі ў чэргах яшчэ да адкрыцця рэстаранаў». Шаленства з бірулькамі фей на сумкі, якія выпусціла піцэрыя5
Каментары