Мужчына з Ляхавічаў паведаміў у міліцыю, што знайшоў у сябе скарбонку з манетамі. Ён выказаў здагадку, што выпадкова забраў грошы з таксі, а ўчынак свой спісаў на алкагольнае ап'яненне, піша «Ляхавіцкі веснік».
У той дзень мужчына дапамагаў знаёмаму ставіць плот. Вядома, што ў працэсе яны выпівалі, а пазней разышліся. Адзін з іх паехаў з месца працы на таксі, а цягам дня ездзіў яшчэ на некалькіх машынах.
Пасля прыезду дадому мужчына знайшоў у кішэні курткі аўтамабільную попельніцу з манетамі. Аказалася, што ў ёй было 79 капеек.
Дакладна высветліць, адкуль з'явіліся грошы, чалавек не змог. Тады ён вырашыў звярнуцца ў міліцыю і патлумачыў, што мог узяць манетніцу ў адным з таксі. Таксама расказаў, што забраў грошы без злога намеру, а проста быў выпіўшы.
Знаходку зарэгістравалі і змясцілі на захоўванне ў Ляхавіцкі РАУС. Праўда, знайсці гаспадара пакуль не ўдалося.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах15
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння55
Каментары