У якіх выпадках ахоўнік у краме можа запатрабаваць паказаць асабістыя рэчы? І што рабіць, калі вы гэтага не хочаце?
Для асабістага надгляду павінны быць важкія падставы.
Ахоўнікі крам у некаторых выпадках могуць папрасіць пакупніка паказаць асабістыя рэчы на выхадзе з касавай зоны. Юрысты распавялі, як паводзіць сябе ў такой сітуацыі, піша »Люстэрка».
Згодна з заканадаўствам, у ахоўніка ёсць права даглядзець асабістыя рэчы, аднак на гэта павінны быць важкія прычыны.
Даглядаць рэчы супрацоўнік можа толькі ў тым выпадку, калі ў крамы ёсць уласнае падраздзяленне аховы. Пры гэтым ахоўнік павінен прад'явіць службовае пасведчанне і жэтон, якія павінны быць зацверджаны па формах 404-й пастановы МУС.
Акрамя таго, супрацоўнік абавязаны агучыць падставы надгляду. Сярод іх:
- ахоўнік выявіў, што пакупнік збіраецца нешта выкрасці ці ўжо зрабіў гэта;
- відавочцы або супрацоўнік сам з дапамогай сістэм кантролю або відэаназірання заўважылі, што пакупнік нешта ўзяў і не заплаціў;
- на вопратцы і (або) рэчах пакупніка ёсць сляды супрацьпраўнага замаху, напрыклад, біркі, супрацькрадзежныя кліпсы.
Пры гэтым ахоўнікі не маюць права правяраць адзенне на чалавеку. Калі ёсць падазрэнні, што пакупнік вырашыў пранесці тавар на сабе, ахоўнік абавязаны выклікаць міліцыю. У супрацоўнікаў МУС ёсць права праверыць пакупніка.
Для абароны сваіх правоў пакупнік можа папрасіць дазволу на відэа— або аўдыяфіксацыю надгляду (каб такі доказ лічыўся легальным, згода павінна быць).
Парушэнне сваіх правоў можна зафіксаваць у пратаколе (калі ён складаецца) і (або) у кнізе заўваг і прапаноў крамы.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек5
Каментары