Пад Чавусамі знайшлі жанчыну, якую 20 гадоў таму суд… абвясціў памерлай
Яна ўвесь гэты час жыла з пашпартам СССР
Міліцыя знайшла ў Чавускім раёне жанчыну, якая 20 гадоў лічылася памерлай паводле рашэння суда, паведамляе прэс-служба пракуратуры.
У лютым 2024 года супрацоўнікі міліцыі ў Чавускім раёне знайшлі жанчыну, якая пацвердзіла асобу пашпартам грамадзяніна СССР. Беларуска нарадзілася ў горадзе Бяроза Брэсцкай вобласці, там жа мела рэгістрацыю.
На пачатку і ў сярэдзіне 1990-х гадоў двойчы адбывала пакаранне ў папраўчай калоніі, дзе пашпарт грамадзяніна Рэспублікі Беларусь не атрымлівала. З 1998 года зарэгістраванай ні па месцы жыхарства, ні па месцы знаходжання ўжо не значылася.
У 2004 годзе суд аб'явіў жанчыну памерлай. Але па заяве пракурора гэтае рашэнне было адменена. Зараз беларуска можа атрымаць новы пашпарт і афіцыйна працаўладкавацца. Падрабязнасці аб тым, як і чым жыла жанчына гэтыя 20 гадоў, не паведамляюцца.
Вядома толькі, што яна пражывае ў вёсцы Пуцькі.
-
Чарга ў Польшчу амаль знікла, але людзі ўсё адно стаяць па 10 гадзін. Як так?
-
«Людзі хочуць літаратуры пра сябе, і вельмі важна, каб пісьменнікі на гэта рэагавалі». Выдавец Янушкевіч расказаў пра поспехі і праблемы свайго бізнэсу
-
У Будславе вернікі разам з апостальскім нунцыем памаліліся за ўрад Беларусі
Каментары
А тут дваццаць гадоў. Няўжо дзяржаўныя мужы памыліліся ці (немагчыма) з прычыны бюджэтнага фінансаваньня бываюць перадузятыя?
Але ж чытайма ўважліва! Кабена ад новага калгасакіраўніцтва, падробленага, ня мела пасьведчаньня прыгоннай. Але даведку падпарадкаванай са старога, ўзбуйненага, калгасу мела і зь яе дапамогай і падтрымлівала 20 гадоў жыцьцё. Пакуль даходны цівун ня спраўдзіў дакумэнты і не надзяліў новымі, з "магчымасьцю афіцыйна працаваць
Таму трэ верыць экспэртам і вучоным, а ня сумнявацца, як мяне зманіў нячысьцік