Яны сустрэліся ў аэрапорце Канберы (Аўстралія), куды прыляцеў вызвалены ўчора з турмы ў Брытаніі кіраўнік Wikileaks.
![](http://nnexpictures.fra1.digitaloceanspaces.com/img/w732d4webp1/photos/z_2024_06/asanje_ap240626-d09cr.jpg.webp)
Фота: Rick Rycroft / AP
Заснавальнік WikiLeaks Джуліян Асанж адразу абняў сваю жонку Стэлу пасля прызямлення на авіябазе ВПС Вялікабрытаніі Фэрберн у Канберы, паведамляе Бі-бі-сі.
Асанж вярнуўся на радзіму ў Аўстралію чартарным рэйсам праз некалькі гадзін пасля таго, як прызнаў сябе вінаватым у атрыманні і публікацыі ваенных сакрэтаў ЗША ў рамках угоды з пракурорамі Міністэрства юстыцыі, якая завяршае зацягнутую судовую эпапею.
У турме «Белмарш» Асанж правёў пяць гадоў пасля таго як сем гадоў хаваўся ў пасольстве Эквадора ў Лондане.
Выхад з самалёта прысутныя на аэрадроме сустрэлі апладысментамі.
Каментары