Чарга легкавых аўто на ўезд у Польшчу з Беларусі павялічылася ў чатыры разы
Гэта здарылася пасля забаронаў, уведзеных Літвой і Латвіяй.
З панядзелка чарга легкавых аўтамабіляў на ўезд у Польшчу з Беларусі павялічылася ў чатыры разы.
Перад пунктам пропуску «Тарэспаль» сабралася 240 машын, паведамляе ДПК.
Пры гэтым паведамляецца, што польскія памежнікі з пачатку тыдня прынялі 35% аўто ад нормы.
Перад літоўскімі пунктамі пропуску «Меднікі» (Каменны Лог) і «Салечнікі» (Беняконі) на ўезд у ЕС сабраліся 110 аўто, літоўскія кантрольныя службы на працягу тыдня прымалі на сваю тэрыторыю каля 55% транспарту ад нормы.
Пры гэтым у Тарэспалі ў чарзе стаяць 30 аўтобусаў, а ў «Медніках» — усяго чатыры.
Нагадаем, Латвія цалкам забараніла ўезд легкавых аўто з беларускімі нумарамі. Літва прыняла аналагічнае рашэнне, але да 16 жніўня ўехаць у краіну змогуць машыны з беларускай рэгістрацыяй пад кіраваннем уладальніка.
У Польшчу аўто на беларускіх нумарах таксама пускаюць толькі ў прысутнасці ўладальніка ў салоне.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары