Грамадзянцы ЗША і Расіі запрасілі 15 гадоў калоніі па справе аб дзяржздрадзе за данат у 51 даляр
Справу разглядае той жа суддзя, што асудзіў на 16 гадоў Эвана Гершковіча.
Дзяржабвінавачанне запытала 15 гадоў пазбаўлення волі для грамадзянкі Расіі і ЗША Ксеніі Хаваны (Карэлінай) па справе аб дзяржздрадзе — за ахвяраванне ў 51,8 даляра ва ўкраінскі дабрачынны фонд, піша Бі-бі-сі.
Дзяржавіненне запытала для Хаваны 15 гадоў пазбаўлення волі, паведаміў яе адвакат пасля завяршэння спрэчак бакоў. Па словах адваката, прысуд будзе вынесены 15 жніўня.
Справа Хаваны слухаецца ў Свярдлоўскім абласным судзе, працэс ідзе ў закрытым рэжыме. Справу разглядае суддзя Андрэй Мінееў, які раней прысудзіў іншага грамадзяніна ЗША, журналіста Эвана Гершковіча, да 16 гадоў калоніі за шпіянаж.
Ксенія Хавана (Карэліна — яе дзявочае прозвішча), па версіі ФСБ, якое вяло следства, «з лютага 2022 года (…) ініцыятыўна ажыццяўляла перавод грашовых сродкаў у інтарэсах адной з украінскіх арганізацый, якія пасля накіроўваліся на набыццё ўзброенымі сіламі Украіны прадметаў тактычнай медыцыны, экіпіроўкі, сродкаў паражэння і боепрыпасаў».
Праваабарончы праект «Першы аддзел», які спецыялізуецца на справах аб дзяржаўнай здрадзе, пісаў са спасылкай на свае крыніцы, што падставай для справы стаў адзіны перавод, зроблены Хаванай у першы дзень поўнамаштабнага ўварвання Расіі ва Украіну.
Дзяўчына, паводле інфармацыі праваабаронцаў, перавяла 51,8 даляра ў заснаваны ў ЗША фонд гуманітарнай дапамогі ўкраінцам Razom for Ukraine.
У той жа час выданне РБК са спасылкай на адваката дзяўчыны пісала, што Хавана прызнала віну ў пераводзе грошай УСУ.
Аб затрыманні 32-гадовай грамадзянкі Расіі і ЗША стала вядома 20 лютага 2024 года. Гэта адбылося ў Екацярынбургу, куды яна прыляцела з Лос-Анджэлеса, каб наведаць сваякоў. Грамадзянства ЗША, мяркуючы па сацсетках дзяўчыны, яна атрымала ў канцы 2021 года.
Паводле інфармацыі «Першага аддзела», яе затрымалі яшчэ ў канцы студзеня супрацоўнікі патрульна-паставой службы нібыта за мат у грамадскім месцы, хоць рапарт быў складзены супрацоўнікамі ФСБ. Па адміністрацыйнай справе аб дробным хуліганстве яе арыштавалі на 14 сутак.
Але яшчэ да выхаду са спецпрыёмніка ёй аформілі затрыманне паводле крымінальнай справы аб дзяржаўнай здрадзе, пасля чаго суд адправіў яе на два месяцы ў СІЗА.
Такая практыка — спачатку арышт па адміністрацыйнай справе па надуманай падставе, а затым узбуджэнне крымінальнай справы аб дзяржздрадзе — стала ў Расіі вельмі распаўсюджанай у апошнія два гады на фоне рэзкага росту колькасці спраў аб дзяржздрадзе, адзначалі праваабаронцы.
Ціханоўская павіншавала твітар з гадавінай бітвы пад Оршай. І тут пачалося6
Каментары