У Бабруйску ў бабулі на ноўтбуку не працаваў скайп. Майстар узяў з яе за рамонт 1130 рублёў
«Я зрабіў тое, што бачыў, тое, пра што мяне прасілі. Я рабіў тое, што трэба было зрабіць».
У камісійную краму ў Бабруйску звярнулася пенсіянерка. Яна падзялілася з прадаўцамі сваім болем. У бабулі на ноўтбуку не працаваў гук у скайпе, і яна вырашыла звярнуцца да камп'ютарнага майстра па аб'яве, што ўбачыла на пад'ездзе.
За вырашэнне такой несур'ёзнай праблемы пенсіянерка аддала 1130 рублёў, піша Onliner.
Яна паказала акт выкананых работ. З яго вынікае, што майстар вырашыў зрабіць дэфрагментацыю цвёрдага дыску, цалкам пераўсталяваць Windows, усталяваць іншыя праграмы і наладзіць уліковы запіс:
- устаноўка модуля АЗП — 163 рублі;
- настройка BIOS — 74 рублі;
- дэфрагментацыя HDD — 196 рублёў;
- устаноўка ПЗ і драйвераў — 213 рублёў;
- настройка ўліковага запісу — 52 рублі;
- выдаленне вірусаў і стварэнне асяроддзя — 116 рублёў;
- перадусталёўка Windows 8.1 — 312 рублёў
Майстар узяў за паслугі ў некалькі разоў больш, чым у сярэднім па рынку. Па самых грубых падліках, агульная сума за ўсе гэтыя працы не мусіла перавышаць 200-300 рублёў.
Супрацоўнікі магазіна звязаліся з майстрам, каб зразумець, навошта ён так зрабіў з пенсіянеркай. У іх адбыўся такі дыялог:
— Андрэй Уладзіміравіч?
— Так, гэта я.
— Андрэй Уладзіміравіч, вы тут вось жанчыне камп’ютар рабілі на 1130 рублёў.
— Слухаю, так.
— Я вось у вас хацеў удакладніць, а навошта вы дэфрагментацыю HDD зрабілі, для чаго?
— Ну таму што камп’ютар дрэнна загружаўся, павольна працаваў. Камп’ютар ужо старэнькі, гэта значыць трэба было аднаўляць.
— За 1130 рублёў можна было новы ноўтбук купіць, а вы …
— Які новы ноўтбук? Зайдзіце, калі ласка, у краму і паглядзіце, колькі каштуюць ноўтбукі. Даведайцеся, колькі аперацыйная сістэма каштуе і гэтак далей.
— А навошта ёй у краму заходзіць? У яе старэнькі ноўтбук, яна б з рук купіла за 300 рублёў, а вы на 1130 глупства ўсякае напісалі.
— Яна магла купіць, і дзе гарантыя, што ў яе б добра працавала?
— Андрэй Уладзіміравіч, гэта яе справа, а не ваша. Вы навошта вось гэта рабілі за такія грошы?
— Я зрабіў тое, што бачыў, тое, пра што мяне прасілі. Я рабіў тое, што трэба было зрабіць.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары
Интересно а винда лицензионная, или "мастера" бабушка попросила, обокрасть майкрософт.
А с другой стороны, завтра прочитаем, что некая пенсионерка перевела пару десятков тясяч зеленых, на билет другу из солнечной африки.