Абвінавачанага ва ўцечцы дакументаў Пентагона Джэка Тэйшэйру прысудзілі да 15 гадоў
Сярод дакументаў, якімі ён падзяліўся з удзельнікамі закрытай групы, была канфідэнцыйная інфармацыя пра вайну ва Украіне
Былы вайсковец Нацыянальнай гвардыі ЗША Джэк Тэйшэйра, які летась дапусціў адну з самых маштабных уцечак сакрэтных дакументаў у гісторыі Пентагона, прысуджаны да 15 гадоў турэмнага зняволення, піша Бі-бі-сі.
У сакавіку 22-гадовы Тэйшэйра прызнаў віну ў наўмысным захоўванні і перадачы інфармацыі аб нацыянальнай абароне.
Працуючы на базе 102-га разведвальнага падраздзялення ваенна-паветраных сіл нацыянальнай гвардыі ЗША ў штаце Масачусэтс, Тэйшэйра атрымаў доступ да сакрэтных матэрыялаў, уключаючы карты, спадарожнікавыя здымкі і разведзвесткі аб саюзніках ЗША, а затым размяшчаў гэтыя дакументы на анлайн-платформе Discord, папулярнай сярод геймераў.
Сярод дакументаў, якімі ён падзяліўся з удзельнікамі закрытай групы, была канфідэнцыйная інфармацыя пра вайну ва Украіне.
Пракуроры прасілі прызначыць Тэйшэйру пакаранне ў выглядзе 16,5 гадоў пазбаўлення волі. Адвакаты прасілі прысудзіць яго да 11 гадоў турмы.
Просячы аб змякчэнні прысуду, адвакаты Тэйшэйры сцвярджалі ў судовых дакументах, што ён быў аб'ектам здзекаў падчас вучобы ў школе, а затым і ў вайсковай частцы.
Пракуроры выступалі за больш працяглы тэрмін, заяўляючы, што абвінавачаны здзейсніў адно з самых значных і сур'ёзных парушэнняў Закона аб шпіянажы ў гісторыі ЗША».
«Тэйшэйра разумеў рызыку для сваёй краіны і ўсё роўна зрабіў гэта», — заявілі пракуроры ў судзе ў аўторак.
Абвінавачаны папрасіў прабачэння і сказаў, што «ўся адказнасць і наступствы кладуцца толькі на яго плечы», паведамляюць журналісты з залы суда ў Бостане.
Тэйшэйра, якому на момант арышту быў 21 год, курыраваў невялікую закрытую групу на платформе Discord, дзе пачаў выкладваць сакрэтныя файлы яшчэ ў канцы 2022 года. Пазней яны разышліся па інтэрнэце.
Тэйшэйра паступіў на службу ў падраздзяленне Нацгвардыі ў Масачусетсе ў 2019 годзе. Па пасадзе ён меў звышсакрэтны допуск.
Каб атрымаць яго, Тэйшэйра падпісаў «пажыццёвае абавязковае пагадненне аб невыдаванні«, у якім прызнаў, што «несанкцыянаванае разгалашэнне ахоўнай інфармацыі можа прывесці да крымінальнага пераследу», гаварылася ў судовых дакументах.
Маштабная ўцечка прымусіла Пентагон перагледзець прынцыпы абыходжання з сакрэтнай інфармацыяй.
Першая ўцечка звестак Пентагона адбылася праз 48 гадзін пасля ўварвання ва Украіну
Уцечкі з Пентагона: Джэка Тэйшэйру тройчы папярэджвалі пра яго празмерную цікавасць да разведзвестак. І нічога не рабілі
Нацгвардзейцу афіцыйна выставілі абвінавачанні ў зліве сакрэтных дакументаў ЗША. Яму пагражае да 60 гадоў пазбаўлення волі
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?10
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары