Першая ўцечка звестак Пентагона адбылася праз 48 гадзін пасля ўварвання ва Украіну
Вайсковец ВПС Нацыянальнай гвардыі ЗША Джэк Тэйшэйра, якога абвінавачваюць ва ўцечцы сакрэтных дакументаў Пентагона, пачаў публікаваць іх менш чым праз 48 гадзін пасля ўводу Расіяй войскаў ва Украіну ў лютым 2022 года, піша The New York Times.
Пра тое, што Тэйшэйра пачаў публікаваць сакрэтныя звесткі яшчэ тады, раней паведамляла The Washington Post са спасылкай на яго знаёмага. Суразмоўца газеты распавядаў, што малады чалавек быў «прыгнечаны» ваеннымі дзеяннямі і перакананы, што Масква і Кіеў «павінны мець больш агульнага, чым таго, што іх падзяляе».
Паводле звестак NYT, з канца зімы 2022 года Тэйшэйра размяшчаў сакрэтную інфармацыю ў чат-групе сацсеткі для геймераў Discord, якая налічвала 600 удзельнікаў. Раней пра гэтую групу не паведамлялася; справа супраць вайскоўца звязана з публікацыямі ў іншай суполцы Thug Shaker Central, у якой былі каля 50 чалавек. Сакрэтныя матэрыялы пачалі з'яўляцца там у кастрычніку.
Пра групу з сотнямі ўдзельнікаў газеце распавёў карыстальнік Discord. Выданне адзначае, што, у адрозненне ад Thug Shaker Central, да гэтай суполкі можна было лёгка атрымаць доступ, у тым ліку праз спасылкі на YouTube. Як піша NYT, там размяшчаліся звесткі пра страты абодвух бакоў канфлікту, дзейнасць расійскіх разведвальных службаў і аказаную Украіне дапамогу. Тэйшэйра сцвярджаў, што гэта даныя Агенцтва нацыянальнай бяспекі ЗША, ЦРУ і іншых ведамстваў.
Па даных NYT, Тэйшэйра працягваў публікаваць звесткі ў больш буйной групе да сакавіка гэтага года.
The Washington Post паведамляе, што супрацоўнікі ФБР апыталі ўдзельнікаў групы Thug Shaker Central; яны цікавіліся сярод іншага тым, як карыстальнікі пазнаёміліся з Тэйшэйрам і ці былі сярод іх замежнікі. Раней газета пісала, што ў суполцы былі ўдзельнікі з Расіі і Украіны, а таксама з краін Еўропы, Азіі і Паўднёвай Амерыкі.
ФБР арыштавала падазраванага ва ўцечцы дакументаў з Пентагона — СМІ
Тэйшэйра не адзіны, хто распаўсюджваў сакрэтныя дакументы ЗША. Гэтым таксама займаўся «Лука»
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі11
Каментары