У Магілёве прадаюць 23-гадовы VW Golf 4 за 9000 даляраў. Што ў ім такога?
«Заводская афарбоўка. Нумары не прадаюцца», — гаворыцца ў апісанні.
У Магілёве задорага прадаюць стары VW Golf. Аўтамабіль 2001 года выпуску, пад капотам у яго бензінавы рухавік аб'ёмам 1,6 літра, які працуе ў пары з АКПП.
Заяўлены прабег — 215 000 кіламетраў. Прадавец сцвярджае, што аўтамабіль знаходзіцца ў заводскай афарбоўцы.
Таксама ў апісанні пазначана, што нумары разам з машынай не прадаюцца. Але якая там камбінацыя лічбаў і літар — невядома, бо на ўсіх здымках нумары схаваныя.
Звонку аўтамабіль на свой узрост сапраўды выглядае добра, але ацаніць стан салону па фота немагчыма.
Пярэднія сядзенні хаваюцца пад чахламі, на стырно нацягнута аплётка, якая трымае планшэт. Абшыўка дзвярной карты выглядае крыху зашарпанай.
Агулам у аўто хапае не завадскіх аксесуараў. На панэлі можна заўважыць мацаванне для тэлефону і дыванчык-трымальнік з дзяржаўным гербам унутры. Таксама пад ветравым шклом ёсць нешта падобнае да пропуску, стылізаванага пад дзяржаўны сцяг.
На задніх дзвярах і багажніку праглядаюцца не заводскія шторкі, на ўсіх вокнах усталяваныя ветравікі.
Ва ўсім іншым, апроч цаны ў 9 тысяч даляраў, — гэта шараговы VW Golf 4 з надзейным, але далёка не самым топавым рухавіком. Прабег аўтамабіля таксама не такі ўжо маленькі, каб ён меў нейкую калекцыйную вартасць.
Golf чацвёртага пакалення выпускалі з 1997 па 2006 год.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам5
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў66
Каментары