5 сакавіка спаўняецца 50 гадоў з дня нараджэння вядомага беларускага футбаліста Ігара Гурыновіча.
5 сакавіка спаўняецца 50 гадоў з дня нараджэння вядомага беларускага футбаліста Ігара Гурыновіча.
Ён быў чэмпіёнам Савецкага Саюза ў 1982 годзе. Тады Гурыновіч быў адным з найбольш забіўных футбалістаў каманды Эдуарда Малафеева. Агулам за «Дынама» футбаліст правёў больш за дзесятак сезонаў — ад 1977 да 1990. Толькі на год гэта было перарвана гульнёй у маскоўскім «Лакаматыве».
Па развале СССР Гурыновіч у Англіі, Кіпры, Польшчы, Украіне, Іспаніі, Аўстрыі. Але былой славы так і не дасягнуў.
«Мяне выбілі з сядла траўмы. А можна было б трапіць у клуб Рыгора Фядотава, дасягнуўшы рубяжа ў сто забітых галоў(Гурыновіч забіў у чэмпіянатах СССР 57 галоў — «НН»). Сумна, што ў гэтым дачыненні мне не пашанцавала. З 83‑га па 88‑ым столькі траўмаў! Цягам паўтара году ў мяне былі пераломы, разрывы звязак», — зазначыў І.Гурыновіч.
За зборную СССР Гурыновіч правёў адзін матч. За нацыянальную зборную Беларусі нападаючы правёў тры гульні і забіў адзін гол.
У гэтым сезоне Гурыновіч будзе трэніраваць каманду «Бяроза‑Юні» (Д3), якая павінна стаць фарм‑клубам мінскага «Дынама».
Рэдакцыя «НН» далучаецца да віншаванняў футбалісту.
-
Нарвегія адмовілася прымаць міжнародныя турніры па водных відах спорту, пратэстуючы супраць беларусаў і расіян са сцягамі
-
Трэнера зборнай Беларусі могуць прызнаць найлепшым у свеце
-
На чэмпіянаце Еўропы беларускі барэц даў поўху тытулаванаму турку за яго нахабства. Гэта ледзь не каштавала нашаму медаля
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары