У Расіі знялі з продажу кнігу пра Варшаўскае гета пасля даносаў Z-актывістаў
Z-актывістаў абурыла згадка ў кнізе, што ў 1945 годзе вайскоўцы Чырвонай Арміі гвалтавалі жанчын у Кракаве. Яны назвалі гэта «заведама ілжывымі звесткамі».
Кніга Цілар Мацэа «Дзеці Ірэны» прысвечана Ірэне Сэндлеравай, польскай актывістцы руху супраціву, якая выратавала з Варшаўскага гета 2500 яўрэйскіх дзяцей.
У Z-каналах абурыліся цытатай з кнігі, у якой згадваюцца згвалтаванні жыхарак Кракава савецкімі салдатамі.
«Пазней мясцовыя распавялі ёй, што ў 1945 годзе, у самым канцы вайны, Чырвоная Армія праследавала адступаючых немцаў. Аднак Польшчы прыход савецкіх войскаў асаблівай радасці не прынёс. Толькі нешматлікія жанчыны ў Кракаве — ад школьніц да самых старажытных babcia — пазбеглі згвалтавання», — гаворыцца ў кнізе.
Прадстаўнікі выдавецтва «Эксмо» знялі кнігу з продажу і адправілі на «дадатковую экспертызу». У дачыненні да супрацоўнікаў выдавецтва, якія дапусцілі кнігу да друку, вядзецца «ўнутранае дысцыплінарнае разбіральніцтва», паведамляецца ў прэс-рэлізе.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ42
Каментары
Не разумею, чаму героізіруюць савецкіх вайскоўцаў. Мой дзед загінуў у той вайне, але я не ведаю, ці быў ен добрым чалавекам, як гэтага не ведаў і ягоны сын, якога ен не паспеў убачыць. І тыя, хто выступіў супраць лукашызма, не ўсе добрыя людзі. Мы розныя, не трэба нас пад адзіны грэбень. І здрадніцтвы здараюцца, і махлярствы, і тыя самыя здзекі. Але ў тых мангола-татара-улусаў з усходу есць толькі "победобесіе", "деды воеывалі" і "можем повторіть". Напаўтараліся ўжо ва Украіне, пакінулі нашчадкам карму...