У Філадэльфіі разбіўся самалёт санітарнай авіяцыі. Загінулі шэсць чалавек
На зямлі таксама ёсць пацярпелыя, бо некалькі дамоў і аўтамабіляў загарэліся ў выніку аварыі.
У амерыканскайі Філадэльфіі адбылася трагедыя: самалёт медыцынскай авіяцыі Learjet 55, які належаў кампаніі Jet Rescue Air Ambulance, разбіўся неўзабаве пасля ўзлёту з паўночна-ўсходняга аэрапорта горада, піша Бі-бі-сі.
На борце знаходзіліся шэсць чалавек: чатыры члены экіпажа, адзін пацыент педыятрычнага аддзялення і яго суправаджаючы. На жаль, усе яны загінулі.
Катастрофа адбылася ў пятніцу каля 18:30 па мясцовым часе паблізу гандлёвага цэнтра Roosevelt Mall. Паводле паведамленняў мясцовых СМІ, на зямлі таксама ёсць пацярпелыя, бо некалькі дамоў і аўтамабіляў загарэліся ў выніку аварыі. Мэр Філадэльфіі Шэрэл Паркер пацвердзіла гэтую інфармацыю на прэс-канферэнцыі з месца падзеі.
Прычыны крушэння пакуль невядомыя. Паведамляецца, што ў момант аварыі надвор'е было прахалодным і дажджлівым, з дрэннай бачнасцю.
Гэта другая авіякатастрофа ў ЗША за апошні час. У чацвер над Вашынгтонам у выніку сутыкнення пасажырскага самалёта Bombardier CRJ700 і ваеннага верталёта Sikorsky H-60 загінулі 67 чалавек.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім13
Каментары