Яго спрабавалі прадаць без аўкцыёну прыкладна з кастрычніка 2024 года, але зараз пляцоўка ЗАТ «Белрэалізацыя» выставіла яго на адкрытыя таргі ў сакавіку, плануючы атрымаць каля $9 млн.
Пераможца аўкцыёну атрымае 100%-ную долю ў статутным капітале ТАА «Грузавая служба — Усход», якому належыць былы аўтарынак. Стартавая цана — 29 448 600 рублёў, піша Office Life.
Аднак ёсць нюанс: разам з актывамі новы ўласнік атрымае і фінансавыя абавязацельствы — некалькі звязаных здзелак з банкамі (Сбер Банк і Белаграпрамбанк), якім папярэдні ўладальнік завінаваціўся 7,8 млн рублёў. Атрыманая ад продажу сума пойдзе на пагашэнне гэтых даўгоў.
Сам аўтарынак уключае 102 аб’екты нерухомасці на тэрыторыі больш за 25 га, а таксама ўсе інжынерныя камунікацыі. Таргі прызначаныя на 18 сакавіка.
Раней гэты самы буйны ў Беларусі аўтарынак належаў ЗАТ «Гандлёвы свет — Кальцо» бізнэсмена Юрыя Авяр’янава. У 2023 годзе гэтая кампанія была ліквідавана па рашэнні суда.
Сам Авяр’янаў з’ехаў за мяжу пасля таго, як у Беларусі супраць яго распачалі крымінальную справу.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары