Рэканструкцыя кінатэатра, размешчанага на праспекце Пераможцаў, працягваецца: адкрыццё запланавана да Дня Перамогі, пішуць Мінск-навіны.
«Рэканструкцыя «Масквы» актыўна працягваецца. Будаўнікі выконваюць аздабленчыя працы, афармляюць залы, манціруюць абсталяванне, добраўпарадкоўваюць прылеглую тэрыторыю. Унутранае напаўненне будынка зменіцца, але аутэнтычнасць самога будынка пастараліся захаваць», — адзначыў намеснік старшыні Мінгарвыканкама Аляксандр Чэрнікаў.
Рабочыя дэмантавалі тэхналагічнае абсталяванне і амаль усе ўнутраныя перагародкі, узмацнілі канструкцыі, аднавілі дах, разабралі і збудавалі дзве лесвіцы, устанавілі сантэхнічнае абсталяванне і сістэмы вентыляцыі.
Адна з галоўных змен — перапланіроўка залаў. Пасля адкрыцця замест дзвюх будзе функцыянаваць чатыры кінатэатральныя залі: два разлічаныя на 48 месцаў, адзін на 654 месцы і яшчэ адна на 233.
У сярэдні=яй па памеры зале таксама скончаная чыставая аддзелка, амаль завершана кладка падлогавага пакрыцця. Напрыканцы лютага будаўнікі збіраюцца заняцца мантажом крэслаў.
Асаблівыя цяжкасці выклікала зала, дзе раней выступаў Тэатр-студыя кінаакцёра. Там давялося цалкам замяніць бэлькі перакрыцця, бо яны страцілі несучую здольнасць. Акрамя аднаўлення даху, абшылі сцены і абсталявалі сцэну. Сёння ўсе чарнавыя работы завершаны, ідзе аздабленне.
Застаўся ў сваім першапачатковым выглядзе вітраж «Масква — сталіца нашай Радзімы», які мае статус гісторыка-культурнай каштоўнасці.
Фасад часткова дэмантавалі, але не кранулі 15 медных шчытоў над узроўнем другога паверха, якія сімвалізуюць рэспублікі былога СССР, а таксама арыгінальную падсветку.
Цяпер чытаюць
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік5
Каментары
Поэтому 4 зала мало, надо 10 залов !!!, и московскую церковь там же.....
---------
Ідыёты, сталіца нашай Радзімы - Менск.
То зразумела, хто кіруе гэтай рэканструкцыяй, панаехаўшыя.