71-гадовы жыхар Навагрудскага раёна хацеў прыбраць могілкі, але атрымаў моцныя апёкі, ад якіх памёр. Пра сітуацыю распавялі ў Следчым камітэце.
Месца падпалу на могілках. Фота: СК
10 сакавіка 71-гадовы пенсіянер прыехаў на могілкі, каб прыбрацца. Сухую расліннасць ён вырашыў выпаліць, але не разлічыў кірунак ветру. Калі мужчына пачаў самастойна тушыць пажар, запалілася яго адзенне.
Пенсіянер атрымаў апёкі больш 80% цела, але патушыў вогнішча. Пацярпелы дабраўся дадому, дзе суседзі выклікалі для яго машыну хуткай дапамогі. Мужчына памёр на наступны дзень у бальніцы.
Следчы камітэт праводзіць праверку па справе.
Каментары