Дзякуючы Ўорэну Мітоўскі ўвесь сьвет атрымаў магчымасьць даведацца хутка і праўду, хто перамог на выбарах і што самі выбарцы думаюць на гэты конт. Беларусь не выключэньне
У ЗША ў веку 71 году памёр вядомы сацыёляг, дасьледчык грамадзкае думкі Ўорэн Мітоўскі (Warren Mitofsky).
Мітоўскі быў першым сацыёлягам, які выкарыстаў для аналізу вынікаў практыку апытаньня прагаласавалых на выхадзе з выбарчых участкаў, што атрымала назву exit polls.
Упершыню exit polls былі апрабаваныя Мітоўскі на выбарах губэрнатара штату Кентукі ў 1967 г. для тэлеканала CBS. А ўжо ў 1972 г. падчас прэзыдэнцкіх выбараў ён правёў exit polls у агульнанацыянальным маштабе, апытаўшы больш за 3000 чалавек.
Паводле слоў дырэктара службы CBS па аналізе грамадзкай думкі Кэтлін Франковіч, "Менавіта дзякуючы Ўорэну Мітоўскі ЗША, а затым і ўвесь сьвет атрымалі магчымасьць даведацца хутка і праўдзіва, хто перамог на выбарах і што самі выбарцы думаюць на гэты конт".
Мітоўскі быў адным з заснавальнікаў амэрыканскага агульнанацыянальнага кансорцыюму Voter News Service (VNS), галоўнай задачай якога стала правядзеньне незалежнага падліку галасоў на прэзыдэнцкіх выбарах і каардынацыя вынікаў exit polls, ажыцьцёўленых вядучымі інфармацыйнымі агенцтвамі і тэлеканаламі, такімі як ABC, CBS, NBC, CNN, Fox і Associated Press.
У 1993 г. Мітоўскі арганізаваў уласнае агенцтва Mitofsky International, супрацоўнікі якога праводзілі exit polls на выбарах у розных краінах, у тым ліку Расеі, Мэксыцы, Філіпінах і Азэрбайджане.
Апроч таго, у пэрыяд працы на канале CBS Мітоўскі і ягоны паплечнік Джозэф Ваксбэрг вынайшлі мэтад тэлефоннага апытаньня насельніцтва як па загадзя ўзятых, так і па выпадковых нумарах.
Мітоўскі быў прэзыдэнтам Амэрыканскай асацыяцыі па дасьледаваньні грамадзкай думкі і Нацыянальнага савету па правядзеньні exit polls.
-
«Ніхто не адніме у мяне права памерці рускім. Слава Расіі!» — перадсмяротнае паведамленне сына расійскага апазіцыянера Гудкова
-
Трамп запосціў жартаўлівы ролік па матывах нападу тыгра на чалавека ў брытанскім заапарку. Сваякі загінулага абураныя
-
Джорджа Мелоні: Ніхто не пераканае мяне ў тым, што капітуляцыю таго, хто абараняе сваю свабоду, можна называць «мірам»
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам7
Каментары