7-га красавіка кіраўнік расійскага урада, Уладзімір Пуцін, наведае мемарыяльны комплекс Катынь. Мяркуецца, што там ён прызнае адказнасць Расіі за забойствы больш чым 15-ці тысяч польскіх афіцэраў вясной 1940 года.Прынамсі, аб гэтым піша сённяшняя «Gazeta Wyborcza». Калі гэта адбудзецца, то Пуцін стане другой пасля Гарбачова высокапастаўленай асобай, якая афіцыйна прызнае, што расстрэлы ў катыньскім лесе здзяйснялі савецкія спецслужбы, а не нямецкія, як было прынята лічыць у савецкія часы.
Пад Смаленскам Пуцін сустрэнецца з польскім прэм’ерам Дональдам Тускам. Гэта будзе першая сустрэча палітыкаў такога высокага ўзроўню на месцы расстрэлаў ваеннапалонных польскіх афіцэраў. У сустрэчы 7-га красавіка збіраўся браць удзел і прэзідэнт Польшчы Лех Качыньскі, аднак расійскі бок заявіў, што не гатовы да яго візіту. У выніку было вырашана, што Качыньскі наведае Катынь 10-га красавіка.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары