У Расіі пасля атакі дронаў загарэўся хімзавод «Азот». Ён пастаўляе сыравіну для вытворчасці выбухоўкі
У Новамаскоўску Тульскай вобласці пасля атакі беспілотнікаў паведамляюць пра пажар на заводзе «Азот» — адным з найбуйнейшых вытворцаў азотных угнаенняў у Расіі. Паводле ўкраінскай разведкі, прадпрыемства пастаўляла азотную кіслату заводу, які вырабляе выбуховыя рэчывы.
Пра пажар на «Азоце» паведаміў маніторынгавы канал Exilenova+. Паводле яго ацэнкі, гарыць устаноўка АМ-70 для вытворчасці аміяку.
Губернатар Тульскай вобласці Дзмітрый Міляеў пацвердзіў пашкоджанні інфраструктуры прамысловай зоны Новамаскоўска, але канкрэтнага прадпрыемства не назваў. Паводле яго, пашкоджаныя таксама жылыя дамы, адзін чалавек трапіў у бальніцу. Губернатар заявіў пра збіццё 64 беспілотнікаў над рэгіёнам.
«Азот» уваходзіць у групу «ЕўраХім» і выпускае аміяк, аміячную салетру, карбамід і метанол. Значэнне прадпрыемства выходзіць за межы сельскай гаспадаркі: паводле Службы знешняй разведкі Украіны, завод пастаўляў азотную кіслату заводу імя Свярдлова ў Дзяржынску Ніжагародскай вобласці— вытворцу выбуховых рэчываў.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары