Памёр вядомы беларускі доктар-неўролаг, прафесар Сяргей Ліхачоў, паведаміла прэс-служба Міністэрства аховы здароўя Беларусі. Яму было 72 гады.
Сяргей Ліхачоў быў вядомым спецыялістам у сваёй галіне — доктарам, навукоўцам, членам Вышэйшай атэстацыйнай камісіі, дырэктарам Рэспубліканскага навукова-практычнага цэнтра неўралогіі і нейрахірургіі ў 2005—2010 гадах. Ён таксама быў прафесарам, доктарам медыцынскіх навук і членам праўлення Міжнароднай акадэміі неўралогіі і нейрахірургіі.
Сяргей Ліхачоў нарадзіўся 2 верасня 1952 года ў Свярдлоўску. Пасля заканчэння Мінскага дзяржаўнага медыцынскага інстытута ў 1975 годзе ён працаваў доктарам-тэрапеўтам у Маладзечне, потым — у Ракаве, а пазней — неўролагам у 9-й гарадской клінічнай бальніцы Мінска.
З 1982 па 2005 год ён прайшоў шлях ад малодшага навуковага супрацоўніка да кіраўніка аддзела неўралогіі ў Беларускім навукова-даследчым інстытуце неўралогіі, нейрахірургіі і фізіятэрапіі. У 1995 годзе абараніў доктарскую дысертацыю, а ў 2001 годзе атрымаў званне прафесара. З 2005 па 2018 год быў галоўным пазаштатным неўролагам Міністэрства аховы здароўя.
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў14
Каментары