Гучнагаварыцелі транслявалі K-pop і навіны з крытыкай рэжыму Кіма Чэн Ына.
Паўднёвакарэйскія вайскоўцы пачалі разборку прапагандысцкіх гучнагаварыцеляў уздоўж карэйскай мяжы ў чарговым жэсце збліжэння з Паўночнай Карэяй, піша Times of Korea
Міністэрства нацыянальнай абароны паведаміла ў панядзелак раніцай, што аперацыя пачалася раней у гэты ж дзень і, як чакаецца, будзе завершана цягам гэтага тыдня.
«Гэта практычная мера, накіраваная на змякчэнне напружанасці паміж дзвюма Карэямі, і яна ажыццяўляецца ў межах, якія не ўплываюць на баявую гатоўнасць нашых Узброеных Сіл», — гаворыцца ў заяве міністэрства.
Гучнагаварыцелі, праз якія транслявалі K-pop і навіны з крытыкай рэжыму Кіма Чэн Ына, спынілі дзейнасць пасля інаўгурацыі прэзідэнта Лі Джэ Мёна 4 чэрвеня.
Аперацыя па разборцы ахоплівае ўсе 20 стацыянарных гучнагаварыцеляў, і яе завяршэнне чакаецца на працягу двух-трох дзён. Прыкладна 10 мабільных гучнагаварыцеляў былі ўжо выведзены ў чэрвені, калі вяшчанне было прыпынена.
На пытанне, ці сведчыць разборка пра тое, што варыянт выкарыстання гучнагаварыцеляў цяпер цалкам зняты з парадку дня як адказ на магчымыя правакацыі з боку Паўночнай Карэі, такія як запускі ракет ці запускі паветраных шарыкаў са смеццем, намеснік прэс-сакратара Мінабароны Паўднёвай Карэі Лі Кён Хо адмовіўся каментаваць.
«Я не думаю, што цяпер дарэчы рабіць заўчасныя ацэнкі. Што я магу сказаць — гэта тое, што нашы Узброеныя Сілы заўсёды падтрымліваюць высокі ўзровень баявой гатоўнасці», — адзначыў ён.
Паводле міністэрства, аперацыя не каардынавалася загадзя з Паўночнай Карэяй.
Цяпер чытаюць
Сталініста-ябацьку з Гомеля затрымалі пасля таго, як ён запрасіў Лукашэнку на гвалтоўнае закрыццё свайго трэцяга кафэ26
Каментары