У Ізраілі выкрылі міжнародную сетку, якая займалася гандлем жанчынамі. Дапамагла агентка з Беларусі
У Ізраілі і Беларусі праводзілася сумесная аперацыя супраць міжнароднай сеткі, якая займалася гандлем жанчынамі. Дзякуючы супрацоўніцтву сілавікоў дзвюх краін і працы тайнай агенткі з Беларусі ўдалося выкрыць і арыштаваць трох падазраваных — жыхароў цэнтральнай і паўночнай часткі Ізраіля, піша выданне Maariv.
Паводле матэрыялаў следства, злачынцы займаліся тым, што прывозілі жанчын з-за мяжы (у асноўным з краін былога Савецкага Саюза) і прымушалі іх працаваць у сэкс-індустрыі, атрымліваючы прыбытак у дзясяткі тысяч шэкеляў штомесяц.
4 жніўня 2025 года агентка з Беларусі прыбыла ў Ізраіль пад прыкрыццём, сабрала доказы і дапамагла паліцыі затрымаць арганізатараў сеткі. На наступны дзень былі арыштаваныя два падазраваныя — мужчына з поўначы краіны і жанчына з цэнтра. Падчас ператрусаў паліцыя знайшла кватэры, якія выкарыстоўваліся як месцы для аказання сэксуальных паслуг, і апытала жанчын, што там знаходзіліся.
Пазней, 12 жніўня, была затрыманая яшчэ адна жанчына, якая таксама ўдзельнічала ў гэтай злачыннай дзейнасці. Падазраваных абвінавачваюць у гандлі людзьмі, прымусе да занятку прастытуцыяй, арганізацыі прыезду жанчын з-за мяжы для сэксуальнай эксплуатацыі і іншых цяжкіх злачынствах. Таксама ўзнікла падазрэнне, што адна з ахвяр стала жывой мішэнню для згвалтавання.
Суд у Тэль-Авіве ўжо некалькі разоў падаўжаў арышт падазраваных, а ў найбліжэйшы час ім будзе выстаўлены афіцыйны абвінаваўчы акт і хадайніцтва аб утрыманні пад вартай да завяршэння працэсу.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары21
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары