Расійскую актрысу беларускага паходжання Аляксандру Борціч уключылі ў спіс «Міратворац»
Расійская актрыса беларускага паходжання Аляксандра Борціч ўключана ў спіс украінскага сайта «Міратворац» за ўдзел у расійскім фільме «Вікінг». Разам з ёй у спіс уключылі акцёраў з кінастужкі Данілу Казлоўскага і Святлану Хадчанкову, піша «Коммерсант».
Аляксандра Борціч дэбютавала ў кіно ў фільме «Як мяне завуць» у 2014 годзе. На яе рахунку больш за 60 роляў у кіно і серыялах, у ліку якіх «Пра каханне» (2015), «Духless 2» (2015), «Халоп» (2019), «Мільярд» (2019), «Топі» (серыял, 2011), «Фішэр» (серыял, выходзіць з 2023-га).
Сайт «Міратворац» быў створаны ў 2014 годзе. На ім публікуюць персанальныя даныя людзей, якіх лічаць пагрозай нацыянальнай бяспекі Украіны.
У Аляксандры Борціч — беларускія карані. Яна нарадзілася ў Светлагорску, але пасля разводу бацькоў пераехала ў Гродна, дзе яе выхоўвала бабуля да 10 гадоў. У той час маці Аляксандры жыла ў Маскве, пасля яна забрала дачку да сябе.
Борціч любіць Гродна і час ад часу прыязджае ў гэты горад сустракацца з бабуляй і сябрамі. Пра актрысу загаварылі ў Беларусі пасля прэм’еры расійскага фільма «Вікінг» (2017), дзе Борціч іграла ролю князёўны Рагнеды.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4444
Каментары
Усе гэтыя спісы пра "нацыянальную бяспеку" звычайная дурнота. Па такіх спісах можна палову сусьвету залічы, калі ня болей