Агуркі і кабачкі ад рубля, абрыкосы — 5—25 рублёў. Што і колькі каштуе на Камароўцы ў апошнія выходныя лета
На Камароўскім рынку ў Мінску ў апошнія выходныя лета цэны на агародніну, фрукты і ягады вагаюцца ў розным дыяпазоне, пішуць Мінск-навіны.
Агуркі можна знайсці ад аднаго рубля за кілаграм, кабачкі — ад 99 капеек да 15 рублёў. Памідоры прадаюцца ад 2 да 15 рублёў, чэры ў сярэднім каштуюць 10. Баклажаны і кукуруза трымаюцца ў межах 3−7 рублёў, бульба — ад 99 капеек да 4,5.
Што да садавіны. Авакада ацэньваецца ў 8−10,9 рубля за штуку. Нектарыны абыходзяцца ад 13 да 28 рублёў за кілаграм, персікі — ад 4 рублёў за узбецкія да 25 за іспанскія. Абрыкосы каштуюць 5−25 рублёў, грушы — 10−19,90, яблыкі — 2−10.
Апельсіны можна знайсці ад 2,5 да 20 рублёў, гранаты — ад 25 да 40, манга — ад 7 да 45 рублёў за штуку.
Кавуны прадаюцца па 1,50−5,50 рубля за кілаграм, дыні — па 2,50−7,50.
Ягадны асартымент прадстаўлены чарніцамі па 19−25 рублёў за кілаграм, буякі ад 15 да 25, брусніцай ад 14. Клубніцы каштуюць ад 11 рублёў да амаль 30, маліны пачынаецца з 13, ажыны — з 14. Абляпіха мінімум у 19 рублёў за літр.
Вінаград прадаецца ад 5,90 да 30 рублёў: самы танны — узбецкі, даражэй — турэцкі і кітайскі.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары