Беларусь не атрымлівала ад Кыргызстана ноты наконт выдачы Бакіева
Міністэрства замежных спраў Беларусі не атрымлівала якіх‑небудзь нот ад Кыргызстана наконт выдачы звергнутага прэзідэнта Курманбека Бакіева, які з 19 красавіка знаходзіцца ў Мінску.
Пра гэта паведаміў журналістам прэс‑сакратар МЗС Беларусі Андрэй Савіных 22 красавіка на брыфінгу ў Мінску.
Паводле яго слоў, «любыя запыты на выдачу рэгулююцца сур’ёзнымі міжнароднымі пагадненнямі», неабходнае выкананне пэўных умоў, а таксама неабходна «рыхтаваць сур’ёзны пакет дакументаў».
Адказваючы на пытанне пра статус, у якім Бакіеў знаходзіцца ў Мінску, Савіных падкрэсліў,
што наданне статусу з’яўляецца «юрыдычнай працэдурай і пра гэта пакуль рана гаварыць».
«Мы сутыкнуліся з сур’ёзнай міжнароднай праблемай. Вырашэнне гэтай праблемы трэба шукаць у рамках міжнароднай прававой сістэмы. Гэта запатрабуе сур’ёзных кансультацый як на ўзроўні экспертаў, так і на палітычным узроўні», — падкрэсліў Савіных.
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары