Наведнікам, што напаілі аленя кока-колай у Мінскім заапарку, далі па 10 сутак
Справа аб адміністрацыйным правапарушэнні ў судзе разглядалася сёння, на наступны дзень пасля затрымання мужчын.
Нагадаем, што днямі разышлося відэа, на якім двое мужчын пояць кока-колай аленя ў Мінскім заапарку, прычым адзін з іх торгаў жывёлу за рогі.
Высветлілася, што гэта былі двое сяброў з Віцебскай вобласці, адзін 1975-га, другі — 1973 года нараджэння, што прыехалі ў сталіцу ў мінулы чацвер
Увечары ў той жа дзень накіраваліся ў Мінскі заапарк. Зайшлі ў дэльфінарый, а пасля прадстаўлення, падышоўшы да вальера, дзе ўтрымліваўся высакародны алень, дзе ўсё і адбылося.
Больш за тое, жыхары Віцебскай вобласці па чарзе самі здымалі тое, што адбываецца, на мабільны тэлефон, а відэа ў наступным размясцілі ў тыктоку.
Выпадкам зацікавілася міліцыя, мужчын затрымалі.
Паведамляецца, што яны прызналі віну ў поўным аб’ёме, не адмаўляючы таго, што адбылося. Прычынай сваіх паводзін назвалі тое, што ім было весела.
Як патлумачыў намеснік старшыні суда Заводскага раёна Мінска Дзмітрый Лукашэвіч, правапарушэнне здзейснена ў грамадскім месцы, у прысутнасці іншых грамадзян. Жыхары Віцебскай вобласці разумелі, што сваімі дзеяннямі парушаюць грамадскі парадак, правілы наведвання заапарка, і гэта выклікае абурэнне іншых наведвальнікаў заапарка.
Мужчынам далі па 10 сутак арышту (арт, 19‑1 — дробнае хуліганства)
Таксама на судовым пасяджэнні яны сказалі, што пасля адбыцця адміністрацыйнага спагнання гатовы прынесці прабачэнні заапарку і загладзіць прычыненую шкоду, у тым ліку прынесці «далікатэсы» для пацярпелай жывёлы, піша БелТА.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары