Ён памёр 21 мая 2021 года ў шклоўскай калоніі.
Сёння грамадскаму актывісту і краязнаўцу Вітольду Ашурку магло б споўніцца 55 гадоў.
Ён нарадзіўся 13 кастрычніка 1970 года ў Агародніках Лідскага раёна. Ён працаваў на шклозаводзе «Нёман» у Бярозаўцы, затым заняўся рамонтам дамоў. Браў удзел у нацыянальным руху, у 2010‑м за ўдзел у акцыі пратэсту пасля прэзідэнцкіх выбараў у Мінску быў асуджаны на 12 сутак арышту.
Пасля падзей 2010 года Ашурак далучыўся да падтрымкі беларускай культуры, уступіў у Партыю БНФ, балатаваўся на мясцовых і парламенцкіх выбарах.
Вітольд Ашурак займаўся ўшанаваннем удзельнікаў паўстання 1863—1864 гадоў, ставіў крыжы на месцах пахавання паўстанцаў.
У 2016 годзе суд аштрафаваў яго за несанкцыянаваны адзіночны пікет, скіраваны на прыцягненне ўвагі да экалагічных праблемаў Бярозаўкі, выкліканых арганізацыяй вытворчасці шклаваты на заводзе. Надалей неаднаразова праводзіў несанкцыянаваныя палітычныя і экалагічныя адзіночныя пікеты. Удзельнічаў у ініцыятыве па ўсталяванні помніка заснавальніку шклозавода Юліюсу Столе.
Першы раз Вітольда затрымалі 9 жніўня 2020 года і асудзілі на 20 сутак адміністрацыйнага арышту: на 15 — за ўдзел у мерапрыемстве і яшчэ на 5 — за непавагу да суда, бо ён не ўстаў, калі зайшоў суддзя
19 верасня 2020‑га года Вітольд Ашурак быў затрыманы спачатку на суткі, а праз месяц за кратамі — і паводле крымінальнай справы. Суддзя Максім Філатаў асудзіў яго да 5 гадоў калоніі за ўдзел у паслявыбарчых пратэстах.
21 мая 2021‑га года Вітольд памёр у шклоўскай калоніі № 17. Афіцыйная прычына смерці — спыненне сэрца.
Аднак яго сваякі сцвярджалі: да зняволення праблем са здароўем у Вітольда не было. Пасля яго смерці Следчы камітэт апублікаваў відэа, на якім палітвязень ледзь стаіць на нагах. Але пазней з'явілася інфармацыя, што на відэа не Вітольд Ашурак.
Яго цела перадалі з забінтаванай галавой. Справу па факце смерці не завялі дагэтуль.
Вітольд мусіў выйсці на свабоду 9 чэрвеня 2025 года. Але ён стаў першай ахвярай у калоніях.
У маі 2024 года ў Бярозаўцы памерла яго 86‑гадовая мама Алена Міронаўна.
На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня
Што азначае загадкавы код R99 у прычынах смерці Уладзіміра Макея і Вітольда Ашурка?
Брат Вітольда Ашурка расказаў пра апошнія гады жыцця маці і размову з ёй перад смерцю
Памерла маці Вітольда Ашурка
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары