Генпракуратура Літвы спыніла расследаванне па справе аб пасадцы самалёта Ryanair у Мінску
Генеральная пракуратура Літвы прыняла рашэнне спыніць праводзімае ў краіне дасудовае расследаванне па справе аб прымусовай пасадцы ў Мінску 23 мая 2021 года самалёта «Ryanair», які ляцеў з Афін у Вільню, з якога знялі Рамана Пратасевіча і Сафію Сапегу, паведамляе LRT.
Як паведаміла пракуратура ў чацвер, расследаванне спынена з улікам таго, што аналагічнае расследаванне праводзіцца ў Польшчы.
Сумесная следчая група Літвы і Польшчы вырашыла, што далейшае расследаванне і працэс прыцягнення вінаватых да крымінальнай адказнасці будзе прадоўжаны ў Польшчы.
На борце гэтага самалёта знаходзіўся беларускі апазіцыйны блогер, адзін з былых супрацоўнікаў канала Nexta Раман Пратасевіч, а таксама яго сяброўка — студэнтка Еўрапейскага гуманітарнага ўніверсітэта ў Вільні Сафія Сапега. Яны былі затрыманыя ў аэрапорце Мінска.
Дасудовае расследаванне было пачата 23 мая 2021 года пасля атрымання паведамлення аб тым, што зарэгістраваны ў Польшчы пасажырскі самалёт Ryanair, які накіроўваўся з Афін у Вільнюс і на борце якога знаходзіліся грамадзяне Літвы і іншых краін, быў вымушаны змяніць маршрут і здзейсніць прымусовую пасадку ў Мінску.
Расследаванне праводзілася па артыкулах аб прымусовым знікненні асоб і захопе паветранага судна.
24 мая 2021 года Польская пракуратура таксама пачала расследаванне па факце прадастаўлення непраўдзівай інфармацыі аб нібыта выбуховай прыладзе на борце, у выніку чаго пілоты былі вымушаны здзейсніць аварыйную пасадку ў Мінску. Таксама расследуецца факт захопу кантролю над самалётам, зарэгістраваным у Польшчы, і затрымання яго пасажыраў.
Рашэнне аб спыненні расследавання было прынята пасля ацэнкі дадзеных і дакументаў, сабраных у ходзе дасудовага расследавання, што праводзілася Крымінальным паліцэйскім бюро Літвы, і ў выкананне прававых норм, якія забараняюць падвойнае пакаранне за адно і тое ж злачынства.
-
20‑гадовую дзяўчыну з аграрадка Макраны на мяжы з Украінай асудзілі за Гаюна
-
Сабаленку ў Мінску ахоўвала кампанія, заснаваная былым гэбістам і ўчастковым. На пярэднім краі быў легендарны Іваныч
-
Польшча рэзка знізіла выдачу міжнароднай абароны беларусам. У чэрвені адмоў удвая больш, чым станоўчых рашэнняў
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1515
Каментары