Цана на золата пераадолела адзнаку $4300. З пачатку года рост на 65%
У ноч на 17 кастрычніка золата ўстанавіла новы гістарычны рэкорд, перавысіўшы $4300 за тройскую унцыю. На 9:30 пятніцы яно і зусім было $4358.
У панядзелак, 13 кастрычніка, ф’ючарсы на золата ўпершыню ў гісторыі пераадолелі адзнаку ў $4100 за унцыю, а ўжо ў сераду ўзялі планку ў $4200. Сёння ўжо 4300.
Аналітыкі адзначаюць, што метал дэманструе найлепшы штотыднёвы рост за апошнія пяць гадоў. За тыдзень ён дадаў каля 8%, а з пачатку года рост склаў 65 працэнтаў.
Цэны на золата аднавілі рост пасля таго, як прэзідэнт ЗША Дональд Трамп анансаваў увядзенне 100‑працэнтных пошлін на экспарт з Кітая. Інвестары баяцца, што гандлёвая вайна паміж ЗША і Кітаем аднавіцца. Традыцыйна золата разглядаецца інвестарамі як сродак захавання капіталу ў перыяды нестабільнасці.
*Тройская унцыя — адзінка вымярэння масы, якая роўная 31,1034768 грама. Названа ад французскага горада Труа, які ў Сярэднявеччы быў важным цэнтрам міжнароднага гандлю. Унцыя ў харчовых прадуктах складае 29,5 грама.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці47
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары