Паліцыя Санкт-Пецярбурга затрымала чатырох падазраваных, якім інкрымінуюць спробу выкрадання «вядомага футбаліста» і паспяховае выкраданне бізнэсмена.
Паводле СК РФ, 23 кастрычніка чацвёра мужчын спрабавалі выкрасці чалавека на вуліцы Вязавай, але ім гэта не ўдалося. Праз два дні, 25 кастрычніка, яны ж выкралі іншага мужчыну, прымусіўшы яго перавесці 210 тысяч расійскіх рублёў (каля $2600) і патрабуючы дадаткова 10 мільёнаў рублёў (каля $105 тысяч).
Паводле звестак расійскіх тэлеграм-каналаў, гаворка ідзе пра спробу выкрадання футбаліста «Зеніта» Андрэя Маставога і выкраданне бізнэсмена Сяргея Селегеня, зяця былога спікера заканадаўчага сходу Пецярбурга.
Паведамляецца, што Маставы адбіўся ад нападнікаў — паводле адной з версій, яму дапамог хакеіст Аляксандр Гракун.
Паліцыя затрымала чатырох падазраваных. Паводле МУС РФ, арганізатарам быў студэнт-другакурснік адной з вышэйшых навучальных устаноў горада.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары