Махляры прапануюць праз інтэрнэт набыць тэхніку, «канфіскаваную на мытні»
Дзяржаўны мытны камітэт звярнуў увагу на махлярскую схему, якая здзяйсняецца праз інтэрнэт ад імя гэтай структуры. Паводле яго паведамлення, у інстаграме з’явіўся чарговы падроблены акаўнт, праз які ашуканцы нібыта прадаюць бытавую і камп’ютарную тэхніку, «канфіскаваную на мытні».
Старонка пад назвай customs_belarus зроблена так, каб выглядаць як афіцыйны профіль мытных органаў. У рэкламе прапануюць смартфоны, халадзільнікі, пральныя машыны і іншую тэхніку па вельмі нізкіх цэнах. Пакупнікам прапануюць перайсці па спасылцы і зрабіць заказ з абавязковай перадаплатай.
Падобная схема махлярства зафіксавана і ў тэлеграме — у канале пад назвай «Склад», дзе шмат падпісчыкаў і публікуюцца нібыта рэальныя фота мытных складоў. «Прадаўцы» абяцаюць дастаўку «да дзвярэй», але патрабуюць аплаціць або ўсю суму, або палову цаны загадзя. Пасля атрымання грошай яны знікаюць і не выходзяць на сувязь.
Мытныя органы нагадваюць: яны толькі канфіскуюць тавары, незаконна завезеныя праз мяжу, але рашэнне пра іх канфіскацыю прымае суд. Рэалізоўваць такія тавары могуць толькі арганізацыі, зацверджаныя Дэпартаментам па гуманітарнай дзейнасці пры Упраўленні справамі Лукашэнкі, а сама мытня да гэтага дачынення ўжо не мае.
Махляры выманілі ў жыхара Баранавічаў 16 тысяч рублёў і адправілі па дакументы ў Казахстан
У Гомелі раскрылі буйную схему махінацый з таксаматорнымі перавозкамі
Мінчанка аддала махлярам усе грошы, але сфатаграфавала 85‑гадовага кур'ера
Замежная фірма атрымала ад беларускіх прадпрыемстваў 825 тысяч еўра, але заказу выконваць не збіралася
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя6
Каментары