З 1 снежня 2025 года дакументы на часовы ДНЖ у Польшчы (karta czasowego pobytu) трэба будзе падаваць на бланку новага ўзору. Змяніліся таксама патрабаванні да дадаткаў і фатаграфій, піша Most.
Фота: Most
Новыя фармуляры заявы і дадаткаў зацверджаныя пастановай Міністэрства ўнутраных спраў і адміністрацыі ад 25 лістапада 2025 года. Яны прыводзяцца проста ў тэксце пастановы. Таксама спампаваць іх можна тут.
Яны не тычацца тых, хто атрымлівае часовы ДНЖ па міжнароднай абароне.
Што гаворыцца пра фотаздымкі
Да заявы трэба прыкласці дзве фатаграфіі. Да іх выстаўляюцца наступныя патрабаванні:
- яны павінны быць непашкоджанымі, каляровымі, з добрай рэзкасцю;
- памерам 35 мм × 45 мм;
- быць выкананы не раней чым за 6 месяцаў да дня падачы заявы;
- адлюстроўваць твар ад макаўкі да верхняй часткі плячэй так, каб твар займаў 70-80% фатаграфіі, на аднатонным светлым фоне, анфас, з адкрытымі вачыма, не прыкрытымі валасамі, з натуральным выразам твару і закрытым ротам;
- натуральны колер скуры;
- выразна паказваць вочы, асабліва зрэнкі, пры гэтым лінія вачэй павінна быць паралельная верхняму краю фатаграфіі.
Таксама ўдакладненыя правілы зняцця адбіткаў пальцаў.
Што будзе са старымі заявамі
Новыя правілы тычацца ўсіх, хто падае заявы з 1 снежня. Тыя, хто падаў іх раней, не павінны іх перапісваць.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары