У Літве раскрылі міжнародную групу, што планавала палітычныя забойствы. Сярод злачынцаў ёсць беларусы
У Салоніках (Грэцыя) быў затрыманы 55‑гадовы мужчына, якога падазраюць у падрыхтоўцы двайнога забойства на тэрыторыі Літвы.
Мужчына быў затрыманы 10 лютага па еўрапейскім ордары на арышт. Згодна з матэрыяламі справы, ён праз пасярэднікаў мог перавесці 5000 еўра на падрыхтоўку злачынства, піша Delfi.lt.
Літоўскія праваахоўныя органы адзначаюць, што планавалася двайное забойства — актывіста з Расіі, які атрымаў прытулак у Літве, і дарадцы па палітычных пытаннях, вядомага сваёй крытыкай на адрас Расіі.
Аднак забойства не было здзейснена. 12 сакавіка 2025 года паліцыя правяла аперацыю і затрымала падазраваных.
У межах расследавання ў поле зроку трапілі сем чалавек, у тым ліку звязаныя з Грэцыяй. Паводле матэрыялаў справы, згадваюцца як мінімум чатыры грэкі, з іх трое — грамадзяне Грэцыі і адзін — з падвойным грамадзянствам (Грэцыі і Расіі).
Сярод падазраваных ёсць таксама грамадзяне іншых краін (Грузіі, Украіны, Беларусі і Літвы).
Мяркуецца, што галоўныя арганізатары каардынавалі назіранне і рыхтавалі план забойства, які за 40 000 еўра павінны былі здзейсніць наёмнікі, а арганізатару планавалі заплаціць 50 000 еўра. Частка сумы — 5000 еўра — ужо была пераведзена для фінансавання пачатковага этапу: атрымання дакументаў і аплаты паездкі ў Літву.
Падчас расследавання высветлілася, што падазраваныя збіралі інфармацыю пра патэнцыйных ахвяр, сачылі за імі, фатаграфавалі і здымалі відэа; у аўтамабілі адной з патэнцыйных ахвяр нават усталявалі жучок. Паліцыя падазрае, што яны таксама ўзламалі электронныя сістэмы актывіста. Іншы чалавек, звязаны з Грэцыяй, мог спрабаваць знайсці літоўца, які павінен быў перадаць зброю, аднак гэты план не быў рэалізаваны.
Расследаванне працягваецца і ў іншых краінах Еўропы. У справе ёсць і падазраваны, які можа знаходзіцца ў Германіі. Паліцыя не выключае, што ў найбліжэйшы час могуць з’явіцца і іншыя асобы, звязаныя з гэтай справай.
-
20‑гадовую дзяўчыну з аграрадка Макраны на мяжы з Украінай асудзілі за Гаюна
-
Сабаленку ў Мінску ахоўвала кампанія, заснаваная былым гэбістам і ўчастковым. На пярэднім краі быў легендарны Іваныч
-
Польшча рэзка знізіла выдачу міжнароднай абароны беларусам. У чэрвені адмоў удвая больш, чым станоўчых рашэнняў
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна4
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары