Беларускія ўлады працягваюць пераслед актывістаў непрызнаванага Саюза палякаў, сведчаннем чаму з’яўляецца аднаўленне пракуратурай крымінальнай справы ў дачыненне да старшыні Івянецкага аддзела Тарэсы Собаль.
Справа была ў свой час зачынена ў сувязі з сышоўшым тэрмінам даўніны, аднак міліцыянты па загадзе пракуратуры яе аднавілі, а Тарэсе Собаль забаранілі пакідаць межы краіны.
Тарэса Собаль не лічыць сябе вінаватай і пераканана гаворыць аб тым, што аднаўленне справы — не што іншае, як ажыццяўленне супраць яе псіхалагічнага ціску з мэтай запалохвання:
У свой час крымінальная справа была ўзбуджана на Тарэсу Собаль паводле артыкула «злоўжыванне службовымі паўнамоцтвамі».
У 2004 годзе яна, як і некалькі іншых актывістаў Саюза палякаў, атрымала ад тагачаснага кіраўніка арганізацыі Тадэвуша Кручкоўскага матэрыяльную дапамогу, якая і выклікала зацікаўленасць праваахоўных органаў.
Цяпер чытаюць
Арыштаваны міністр прыродных рэсурсаў выбраў «стратэгію Брыло»1
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары