Восьмы рэспубліканскі турыстычны конкурс «Пазнай Беларусь» стартаваў 1 ліпеня намінацыяй «Я пазнаю Беларусь».
Конкурс «Пазнай Беларусь» праводзіцца штогод з 2002 года. Яго арганізатарамі выступаюць Міністэрства спорту і турызму Беларусі, РУП «Нацыянальнае агенцтва па турызме», рэдакцыя газеты «Туризм и отдых».
Мэта конкурсу — садзейнічаць развіццю ўнутранага і ўязнога турызму ў Беларусі, кансалідаваць намаганні дзяржаўных органаў, арганізацый і ўсіх, хто працуе ў сферы айчыннага турбізнесу, а таксама заахвоціць дасягненні па развіцці турыстычнай індустрыі.
Як паведаміў начальнік аддзела маркетынгу і выдавецкай дзейнасці Нацыянальнага агенцтва па турызме Валерый Болдыраў, сёлета прынята рашэнне загадзя аб’явіць пра адзіную намінацыю для фізічных асоб «Я пазнаю Беларусь». Перамога ў гэтай намінацыі прысуджаецца таму, хто наведае найбольшую колькасць тураб’ектаў з пераліку, што размешчаны на сайце Нацыянальнага агенцтва па турызме.
На сёння пералік налічвае 555 аб’ектаў, і наведаць іх за два месяцы «нерэальна», адзначыў Болдыраў. У якасці пацвярджэння наведвання турыстычных аб’ектаў прымаюцца фатаграфіі на іх фоне, датаваныя не раней чым 1 студзеня 2010 года. Фатаграфіі прымаюцца па 4 кастрычніка ўключна. Сёлета ў конкурсе плануецца прадугледзець да 10 намінацый, некаторыя з іх будуць абноўленыя ў параўнанні з мінулым годам. Прыём заявак пачнецца ў жніўні, а ўрачыстая цырымонія ўзнагароджання пераможцаў пройдзе ў 20‑х чыслах кастрычніка ў рамках выставы «Турбізнес‑2009». Лаўрэаты конкурсу стануць уладальнікамі памятных знакаў і дыпломаў.
Як паведаміў Болдыраў, на працягу сямі гадоў у конкурсе ўзялі ўдзел больш як 500 прадстаўнікоў турыстычнай галіны Беларусі: туркампаніі, гатэлі, перавозчыкі, сельскія сядзібы, тураб’екты, СМІ, санаторна‑курортныя арганізацыі, а таксама прыватныя асобы.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары